ভাৰতৰ নিৰ্বাচন আয়োগৰ তালিকাৰ পৰা ৮০৮টা পঞ্জীয়নভুক্ত স্বীকৃতিপ্ৰাপ্ত ৰাজনৈতিক দল নিষ্ক্ৰিয় ৰাজনৈতিক দল আঁতৰাইছে। নিয়ম অনুসৰি, কোনো দলে যদি ছবছৰ ধৰি কোনো নিৰ্বাচনত অংশগ্ৰহণ নকৰে, তেন্তে সেই দলৰ পঞ্জীয়ন স্বয়ংক্ৰিয়ভাৱে আঁতৰি যায়। পঞ্জীয়নভুক্ত দলসমূহে বিশেষ সুবিধা, নিৰ্বাচনী চিহ্ন আৰু কৰছুটৰ দৰে অধিকাৰ উপভোগ কৰে। কেৱল সক্ৰিয় দলসমূহক ৰাখি নিৰ্বাচনী প্ৰক্ৰিয়াক স্বচ্চল আৰু ন্যায়সংগত কৰা উদ্দেশ্য আয়োগে এই পদক্ষেপ গ্ৰহণ কৰিছে বুলি সদৰী কৰিছে ।
উল্লেখ্য যে প্ৰথম পৰ্যায়ত, ৯ আগষ্টত ৩৩৪টা দল আঁতৰোৱা হৈছিল। তাৰ পিছত ১৮ ছেপ্টেম্বৰত আৰু ৪৭৪টা দল অপসাৰণ কৰা হয়। এইদৰে মাত্ৰ দুমাহৰ ভিতৰত মুঠ ৮০৮টা নিষ্ক্ৰিয় দল আঁতৰাই।
দ্বিতীয় পৰ্যায়ত উত্তৰ প্ৰদেশত সৰ্বাধিক ১২১টা দল আঁতৰোৱা হৈছে। তাৰ পিছত মহাৰাষ্ট্ৰত (৪৪), তামিলনাডুত (৪২), আৰু দিল্লীত (৪০) দল উৰণ কৰা হৈছে। মুঠতে ৩০খন ৰাজ্য আৰু কেন্দ্ৰশাসিত অঞ্চলৰ দলসমূহক এই পদক্ষেপৰ ফলত আঁতৰোৱা হৈছে।
এতিয়া তৃতীয় পৰ্যায়ত ২৩খন ৰাজ্যৰ ৩৫৯টা দলে আাৰ্থিক প্ৰতিবেদন তিনিবছৰ ধৰি দাখিল নকৰাৰ বাবে আয়োগৰ সতৰ্কবাণী প্ৰদান কৰিছিল। শুনানি আৰু পৰ্যালোচনাৰ পিছত দলসমূহৰ ভাগ্য নিৰ্ধাৰণ কৰা হ’ব।
জুন মাহৰ পূৰ্বে ভাৰতত পঞ্জীয়নভুক্ত ৰাজনৈতিক দলৰ সংখ্যা আছিল ২,৮৫৪টা, লগতে আছিল ৬টা ৰাষ্ট্ৰীয় আৰু ৬৭টা ৰাজ্যিক দল। এই অভিযানৰ ফলত নিষ্ক্ৰিয় দলবোৰ আঁতৰাই সক্ৰিয় আৰু কৰ্মক্ষম দলসমূহক ৰখাৰ লগতে স্বচ্ছতা বৰ্তাই ৰখাত সহায় হ’ব বুলি আয়োগে আশা প্ৰকাশ কৰিছে।
