Covid Update ৰাজ্যত নতুনকৈ কিমান আক্ৰান্ত হ’ল কোভিডত; কিমানৰ মৃত্যু?
Covid Update ৰাজ্যত কোভিড পজিটিভিটিৰ হাৰ এতিয়াও ১ শতাংশৰ তলতে আছে আৰু সুস্থতাৰ হাৰ বৃদ্ধি হোৱালৈ চাই অসমত কোভিড নিয়ন্ত্ৰণাধীন বুলিয়েই ক’ব পাৰি।
শুকুৰবাৰৰ দিনটোত ৰাজ্যত কোভিড আক্ৰান্ত হৈ কোনো লোকৰ মৃত্যু হোৱা নাই। বৃহস্পতিবাৰে ৰাজ্যখনত কোভিডত ৫ গৰাকী লোকে প্ৰাণ হেৰুৱাইছিল।
ৰাজ্যত শেহতীয়া ২৪ ঘণ্টাত কোভিড-১৯ত আক্ৰান্ত হৈছে ১৭৫ গৰাকী লোক।
এই সময়ছোৱাত ৩২,৩৪৪টা কোভিড পৰীক্ষা সম্পন্ন কৰা হয়।
কামৰূপ মেট্ৰ’ত বিগত ২৪ ঘণ্টাত কোভিডত আক্ৰান্ত হৈছে ৯২গৰাকী লোক।
Summary of 26/11/2021
Today’s Total 175
Overall Positivity Percentage (175 cases out of 32,344 test done = 0.54%)
Kamrup(M) 92
Death 0
Recovery Rate 98.56%
— Himanta Biswa Sarma (@himantabiswa) November 26, 2021
ৰাজ্যত কোভিড পজিটিভিটিৰ হাৰ হৈছে ০.৫৪ শতাংশ। এই সময়ছোৱাত সুস্থতাৰ হাৰ হৈছে ৯৮.৫৬ শতাংশ।
ৰাজ্য চৰকাৰে ইতিমধ্যে সকলো চৰকাৰী-বেচৰকাৰী স্কুল-কলেজ, কাৰ্যালয় সম্পূৰ্ণ খোলাৰ বাবে নিৰ্দেশনা জাৰি কৰিছে আৰু সেইদৰে এতিয়া সকলোতে স্বাভাৱিক কামকাজ আৰম্ভ হৈছে।
আনহাতে, মুখ্যমন্ত্ৰী হিমন্ত বিশ্ব শৰ্মাই পূৰ্বতেই অসমত পুনৰ লকডাউনৰ সম্ভাৱনা নুই কৰিছে।