Manipur Ambush শনিবাৰে মণিপুৰৰ চূড়াচান্দপুৰ জিলাত আসাম ৰাইফলছৰ কনভয়ত সন্ত্ৰাসবাদীৰ ভয়ংকৰ এম্বুশ্বত নিহত পৰিয়ালসহ কামাণ্ডিং অফিচাৰৰ লগতে জোৱান কেইজনকো চিনাক্ত কৰা হৈছে।
৪৬ AR ৰ কামাণ্ডিং অফিচাৰ কৰ্ণেল বিপ্লৱ ত্ৰিপাঠী, তেওঁৰ পত্নী শ্ৰীমতী অনুজা ত্ৰিপাঠী আৰু ছয় বছৰীয়া পুত্ৰ সন্তান অবীৰ ত্ৰিপাঠীৰ এই ভয়ংকৰ এম্বুশ্বত মৃত্যু হোৱাৰ লগতে নিহত আন চাৰিজন আসাম ৰাইফলছৰ জোৱান হৈছে সুমন স্বৰ্গীয়াৰী, খাটনেই কন্যাক, আৰ পি মিনা আৰু শ্যামল দাস।
সন্ত্ৰাসবাদীৰ ভয়ংকৰ আক্ৰমণত শ্বহীদ হয় অসমৰ বীৰ জোৱান সুমন স্বৰ্গীয়াৰী।
শ্বহীদ সুমন স্বৰ্গীয়াৰীৰ ঘৰ বাক্সা জিলাৰ থৈকাৰাকুছিত বুলি জানিব পৰা গৈছে।
প্ৰায় ৮বঠছৰৰ পূৰ্বে আসাম ৰাইফলছত যোগদান কৰা সুমনে বৃদ্ধা মাতৃ, পত্নী আৰু একমাত্ৰ দুবছৰীয়া ল’ৰা সন্তানক এৰি থৈ গৈছে।
সুমন স্বৰ্গীয়াৰী পিতৃ প্ৰয়াত কনক স্বৰ্গীয়াৰীক পূৰ্বতে উগ্ৰপন্থীয়ে হত্যা কৰিছিল।
বীৰ জোৱান সুমানৰ মৃত্যুৰ খবৰ পোৱাৰ লগে লগে স্বৰ্গীয়াৰীৰ ঘৰত শোকাকূল পৰিৱেশ সৃষ্টি হোৱাৰ লগতে অঞ্চলজুৰি শোকৰ ছাঁ পৰিছে।
Also Read: Encounter মহাৰাষ্ট্ৰৰ গড়চিৰোলিত আৰক্ষী-মাওবাদীৰ সংঘৰ্ষত কমেও ২৬জন মাওবাদী নিহত
উল্লেখ্য যে শনিবাৰে পুৱা প্রায় ১০ বজাত মণিপুৰৰ চূড়াচান্দপুৰ জিলাৰ সিংঘাত মহকুমাৰ ছেহকান গাঁৱত সন্ত্রাসবাদীৰ এক অতর্কিত এম্বুশ্বত সেনাৰ এজন কর্নেল বিপ্লৱ ত্ৰিপাঠী, তেওঁৰ পত্নী আৰু তেওঁলোকৰ আঠ বছৰীয়া পুত্রৰ লগতে অসম ৰাইফলছৰ চাৰিজন জোৱান নিহত হয়।
সূত্রসমূহে জানিবলৈ দিয়া মতে কর্নেল ত্রিপাঠীয়ে এটা ফৰৱার্ড কেম্পলৈ গৈছিল আৰু উভতি অহাৰ পথত তেওঁৰ কনভয়টোত সন্ত্রাসবাদীয়ে অতর্কিতে আক্রমণ চলায়৷
