নৱবৰ্ষৰ প্ৰাকক্ষণত সমুখলৈ আহিল বৰষা ৰাণী বিষয়াৰ সন্তানৰ ফটো। বছৰৰ অন্তিম দিনটোত জনপ্ৰিয় অসমীয়া অভিনেত্ৰী বৰষা ৰাণী বিষয়াই ইষ্টাগ্ৰামত আপলোড দিলে নিজৰ কণমানিগৰাকীৰ ফটো।
গুৱাহাটীৰ বিষয়া পৰিয়ালে কণমানিগৰাকীক কেক কাটি নিজৰ ঘৰলৈ আদৰে।
অৱশ্যে বৰষা ৰাণী বিষয়া বিষয়াই নিজৰ কণমানিগৰাকীৰ ফটো ঢাকি দিছে। এতিয়াও নিজৰ কণমানিগৰাকী সম্পূৰ্ণ ফটো ৰাজহুৱাকৈ প্ৰকাশ কৰা নাই।
এই ফটোকেইখনত বিষয়া পৰিয়ালৰ প্ৰতিগৰাকী সদস্যকে দেখা পোৱা গৈছে। বৰষা ৰাণীৰ পিতৃ অশোক কুমাৰ বিষয়াই কণমানি নাতিনীয়েক কোলাত লৈ থকা দেখা গৈছে। ফটোত দেখা পোৱা গৈছে বৰষাৰ স্বামী ভাস্কৰ বৰুৱাকো।
উল্লেখ্য যে, চলিত বৰ্ষৰ ২৩ ডিচেম্বৰত বৰষা আৰু ভাস্কৰ জীৱনলৈ আহিছিল এগৰাকী মৰম লগা কন্যা।
