“কা” বিৰোধিতাৰে আমেৰিকাত থকা অসমীয়া যুৱকৰ প্ৰতিবাদী গীত
নাগৰিকত্ব (সংশোধন) আইন ২০১৯বিৰোধী চলিত প্ৰতিবাদ উত্তৰ-পূব বিশেষকৈ অসমত আৰম্ভ হৈছিল, কিন্তু এই প্ৰতিবাদে সমগ্ৰ দেশ ছানি ধৰিলে। অসমত সকলো স্তৰৰ জনসাধাৰণ আইনখনৰ বিৰোধিতাৰে ৰাজপথলৈ ওলাই আহিছে।
আনকি বিদেশত থকা অসমীয়া লোকেও বিদেশৰ পৰাই এই জাতি ধ্বংসী নাগৰিকত্ব (সংশোধন) আইনৰ বিৰোধিতা কৰি বিভিন্ন প্ৰতিবাদী কাৰ্যসূচী গ্ৰহণ কৰিছে।
একেদৰে বিদেশত থকা এজন অসমীয়া যুৱকে জাতি-ভাষা-সংস্কৃতি বিপদাপন্ন হোৱাৰ সময়তে ‘কা’ৰ বিৰুদ্ধে গঢ়িছে জনমত। গীতৰ মাজেৰে ‘কা’ৰ বিৰুদ্ধে কৰিছে প্ৰতিবাদ।
যুৱকজন হৈছে গীত বৰুৱা আৰু তেওঁ আমেৰিকাৰ ল’জ এঞ্জেলছত থাকে। গীত বৰুৱাই পেলেষ্টাইন, আমেৰিকা, ইজৰাইল, ইৰাণ আদিকে ধৰি কেইবাখনো দেশত থকা অসমীয়া যুৱকৰ সৈতে মিলি নিৰ্মাণ কৰি উলিয়াইছে নাগৰিকত্ব (সংশোধন) আইন বিৰোধী প্ৰতিবাদী গীত।