যতীন বৰাৰ ৰত্নাকৰে ৰেকৰ্ড ভাঙিলে জুবিনৰ কাঞ্চনজংঘাৰ
যোৱা ১১ অক্টোবৰত মুক্তি লাভ কৰা যতীন বৰাৰ ছবি ৰত্নাকৰে ছবিগৃহত দৰ্শকৰ পৰা লাভ কৰিছে বিপুল সঁহাৰি।
শুকুৰবাৰে মুক্তিৰ দিনাই ৪১ লাখ টকা উপাৰ্জন কৰা ৰত্নাকৰে শনিবাৰেও ৪৯.৫ লাখ টকা উপাৰ্জন কৰিবলৈ সক্ষম হৈছে।
যতীন বৰা, নিশিতা গোস্বামী, বৰষাৰাণী বিষয়াৰ লগতে কেইবাগৰাকীও জনপ্ৰিয় অভিনেতা-অভিনেত্ৰীয়ে অভিনয় কৰা ৰত্নাকৰে উপাৰ্জনৰ ক্ষেত্ৰত সদ্য মুক্তিপ্ৰাপ্ত জুবিন গাৰ্গৰ কাঞ্চনজংঘাৰ ৰেকৰ্ড ভংগ কৰিছে।
উল্লেখ্য যে জুবিনৰ ছবি কাঞ্চনজংঘাই মুক্তিৰ প্ৰথম দিনটোত ৩৮.৫ লাখ টকা উপাৰ্জন কৰাৰ বিপৰীতে ৰত্নাকৰে ৪১ লাখ টকা উপাৰ্জন কৰে। প্ৰথম দিন দুটাত ৰত্নাকৰৰ মুঠ উপাৰ্জন হৈছে ৯০.৫ লাখ টকা।
যতীন বৰাৰ ৰত্নাকৰ অসমৰ লগতে নতুন দিল্লী, পুনে, বাংগালোৰ, মুম্বাই, হাইদৰাবাদ আদি ঠাইতো মুক্তি লাভ কৰিছে। আনহাতে কলকাতা আৰু চেন্নাইতো অতি শীঘ্ৰে ছবিখন মুক্তি দিব।
উল্লেখ্য যে ৰত্নাকৰ হৈছে যতীন বৰাৰ পৰিচালনাত নিৰ্মিত দ্বিতীয়খন অসমীয়া ছবি। এই ছবিখনৰ পূৰ্বে যতিন বৰাৰ পৰিচালনাত নিৰ্মিত হৈছিল অধিনায়ক।