গোলাঘাটত আটাছুৰ প্ৰধান মন্ত্ৰী আৰু জনজাতি পৰিক্ৰমা মন্ত্ৰীৰ প্ৰতিমূৰ্তি দাহ

আটাছুৰ গোলাঘাট জিলা সমিতিয়ে আজি চহৰখনৰ বেজবৰুৱা চাৰিআলিত প্ৰধান মন্ত্ৰী নৰেন্দ্ৰ মোদী আৰু কেন্দ্ৰীয় চৰকাৰৰ জনজাতি পৰিক্ৰমা মন্ত্ৰী জুৱেল ওৰাঙৰ পুত্তলিকা দাহ কৰে।

নিৰ্বাচনী ইস্তাহাৰত প্ৰকাশ কৰাৰ পিছতো ৰাজ্যসভাত ছয় জনগোষ্ঠীক জনজাতিকৰণ বিধেয়ক উত্থাপন নকৰাৰ প্ৰতিবাদত আজি আটাছুৱে এই প্ৰতিবাদী কাৰ্যসূচী হাতত লয়। প্ৰতিবাদকাৰীসকলে প্ৰধান মন্ত্ৰী আৰু জনজাতি পৰিক্ৰমা মন্ত্ৰী পুত্তলিকা দাহ কৰি সকীয়নি প্ৰদান কৰি আগন্তুক লোকসভা নিৰ্বাচনত ইয়াৰ উচিত প্ৰত্যুত্তৰ দিব বুলি কয়।

আজিৰ প্ৰতিবাদী কাৰ্যসূচীত আটাছুৰ কেন্দ্ৰীয় সমিতিৰ সম্পাদক সুনীল গগৈ, জিলা কাৰ্যকৰী সভাপতি পংকজ গগৈ, জিলা যুটীয়া সম্পাদক গৌতম লাহন, টাইপাৰ গোলাঘাট জিলাৰ সভাপতি বিনয় গগৈকে ধৰি প্ৰায় অৰ্ধশতাধিক আটাছুকৰ্মীয়ে অংশ গ্ৰহণ কৰে।