সমগ্ৰ বিশ্বৰ লগতে ফুটবল বিশ্বতো ক’ৰ’না ভাইৰাছৰ সংক্ৰমণ অব্যাহত আছে।
শেহতীয়াভাৱে স্পেনিছ ফুটবল ক্লাৱ এটলেটিকো মাদ্ৰিদৰ প্ৰশিক্ষক দিয়েগো ছিমেঅ’ন ক’ৰ’না প’জিটিভ হৈছে।
এটলেটিকো মাদ্ৰিদৰ তৰফৰ পৰা প্ৰশিক্ষক গৰাকী বৰ্তমান সময়ত হোম আইছোলেশ্যন আছে বুলি উল্লেখ কৰিছে।
লা-লিগা আৰম্ভ হোৱাৰ সময়ত ছেপ্তেম্বৰৰ ২৭ তাৰিখে এটলেটিকো মাদ্ৰিদৰ প্ৰথমখন খেল আছে।
চলিম মাহৰ প্ৰথম ভাগত এটলেটিকো মাদ্ৰিদৰ তাৰকা ষ্ট্ৰাইকাৰ দিয়েগো ক’ষ্টাৰ শৰীৰতো ক’ৰ’না ভাইৰাছৰ উপস্থিতি ধৰা পৰিছিল।
এটলেটিকো মাদ্ৰিদৰ উপৰিও স্পেনিছ ক্লাৱ পেৰিছ চেইণ্ট জাৰ্মাণ আৰু ইংলিছ ক্লাৱ মানচেষ্টাৰ চিটিৰ ফুটবলাৰ ক’ৰ’না প’জিটিভ হৈছিল।
পেৰিছ চেইণ্ট জাৰ্মাণৰ তাৰকা ষ্ট্ৰাইকাৰ নেইমাৰ আৰু ডিমাৰিয়াৰ লগতে মুঠ ছয় গৰাকী ফুটবলাৰ ক’ৰ’না প’জিটিভ হোৱাৰ বিপৰীতে মানচেষ্টাৰ চিটিৰ দুগৰাকী ফুটবলাৰৰ শৰীৰত ক’ৰ’না ভাইৰাছৰ উপস্থিতি ধৰা পৰিছিল।
