পাকিস্তানৰ সৈতে নিৰপেক্ষ ভ্যেনুত টেষ্ট মেচ খেলাৰ বাবে বাংলাদেশ সাজু বুলি মত প্ৰকাশ কৰিছে বাংলাদেশ ক্ৰিকেট বোৰ্ডে।
‘‘আমি আমাৰ সিদ্ধান্তত অটল আছো। আমি পাকিস্তানত মাত্ৰ টি-২০ ক্ৰিকেটতহে অংশ গ্ৰহণ কৰিব বিচাৰো,’’ বাংলাদেশ ক্ৰিকেট বোৰ্ডৰ মুখ্য সচিৱ নিজামুদ্দিন চৌধুৰীয়ে কয়।
‘‘আমাৰ অংশীদ্বাৰী সকলে পাকিস্তানত আমি ক্ৰিকেটৰ দীঘলীয়া সংস্কৰণত অংশগ্ৰহণ কৰাটো নিবিচাৰে,’’ চৌধুৰীয়ে লগতে কয়।
‘‘আমাৰ হাতত অন্য কোনো বিকল্প নাই। আমি টি-২০ খেলত অংশগ্ৰহণ কৰিব পাৰো আনহাতে যদিহে টেষ্টত অংশগ্ৰহণ কৰিব লাগে তেনেহ’লে নিৰপেক্ষ ভ্যেনু হ’ব লাগিব,’’ চৌধুৰীয়ে সদৰি কৰে।
উল্লেখযোগ্য যে, বাংলাদেশে জানুৱাৰীত পাকিস্তানৰ বিপক্ষে তিনিখন টি-২০ আৰু দুখন টেষ্টত অংশগ্ৰহণ কৰিব।
শ্ৰীলংকাৰ বিৰুদ্ধে পাকিস্তানৰ ৰৱালপিণ্ডি আৰু কৰাচীত দুখন টেষ্ট সুন্দৰভাৱে অনুষ্ঠিত হৈ যোৱাৰ পাছত পাকিস্তান ক্ৰিকেট বোৰ্ডে বাংলাদেশে পাকিস্তানৰ ভূমিত টেষ্টত অংশগ্ৰহণ নকৰাৰ কোনোধৰণৰ যুক্তিসংগত কাৰণ নাই বুলি কয়।
