ভাৰত চৰকাৰে ২০২০ চনত ২৫০ টাতকৈও অধিক চীনা এপ নিষিদ্ধ কৰিছিল। গালৱান উপত্যকাত দুয়োখন দেশৰ মাজত সংঘৰ্ষৰ পিছত কেন্দ্ৰীয় চৰকাৰে নিৰাপত্তাক লৈ উদ্বেগ আৰু ডাটা গোপনীয়তাৰ সুৰক্ষাৰ বাবে ২৬৭টা চীনা এপ নিষিদ্ধ কৰে।
এই চীনা এপসমূহৰ জৰিয়তে ভাৰত বিৰোধী অপপ্ৰচাৰ আনকি ভাবুকিও দিয়া হৈছে বুলি অভিযোগ উত্থাপন হৈছিল। কিন্তু ৫ বছৰৰ পাছত ভাৰত চৰকাৰে ৩৬টা চীনা এপৰ ওপৰত থকা নিষেধাজ্ঞা উঠাই লয়।
নিষিদ্ধ কৰা এপসমূহৰ ভিতৰত উল্লেখযোগ্য হ’ল জেণ্ডাৰ, মেংগো টিভি, ইউকু, টাওবাও, আৰু টান্টানৰ দৰে ডেটিং এপ আছে।
খবৰ অনুসৰি যিবোৰ এপ নিষিদ্ধ কৰা হৈছে সেইবোৰে সফলতাৰে ৰিব্ৰেণ্ড কৰিবলৈ সক্ষম হৈছে।
জানিব পৰা মতে, গুগল প্লে ষ্ট’ৰ আৰু এপল এপ ষ্ট’ৰত পুনৰ ৩৬টা এপ উপলব্ধ। আমোদজনকভাৱে পুনৰ আবিৰ্ভাৱ হোৱা ৩৬টা এপৰ ভিতৰত মাত্ৰ ১৩টাহে চীনা কোম্পানীৰ। বাকীবোৰ ভাৰত, ছিংগাপুৰ, ভিয়েটনাম, দক্ষিণ কোৰিয়া, ছিচেলছ, জাপান আৰু বাংলাদেশৰ দৰে দেশৰ।
