কৃষ্ণসাৰ হৰিণ হত্যাৰ গোচৰ : আদালতত অনুপস্থিত থাকি বিপদত অভিনেতা চলমান খান!
পুনৰ অস্তস্তিত পৰিছে বলিউদৰ জনপ্ৰিয় অভিনেতা ছলমান খান। কৃষ্ণসাৰ হৰিণ হত্যাৰ গোচৰত পুনৰ আদালত হাজিৰ হোৱাৰ নিৰ্দেশ অভিনেতাগৰাকীক।
যোৱা শনিবাৰে শুনানিৰ বাবে আদালতত হাজিৰ হোৱাৰ কথা আছিল যদিও আদালতৰ নিৰ্দেশ অমান্য কৰি আদালত উপস্থিত হোৱা নাছিল অভিনেতাগৰাকী।
ইয়াৰ পিছতে অভিনেতাগৰাকীক অহা ৬ ফেব্ৰুৱাৰীত আদালত হাজিৰ হোৱাৰ বাবে নিৰ্দেশ জাৰি কৰিছে আদালতে।
উল্লেখ্য যে ১৯৯৮ চনত যোধপুৰত ‘হাম সাথ সাথ হ্যে’ ছবিৰ শ্বুটিঙৰ সময়ত অভিনেতাগৰাকীৰ বিৰুদ্ধে কৃষ্ণসাৰ হত্যাৰ অভিযোগ উত্থাপন হৈছিল।
অভিযোগ অনুসৰি সতীৰ্থ অভিনেতা আৰু অভিনেত্ৰীসহ কৃষ্ণসাৰ চিকাৰৰ বাবে নিজেই গাড়ী চলাই গৈছিল ছলমান খান। তেওঁৰ লগত আছিল অভিনেতা চেইফ আলী খান, অবিনেত্ৰী টাবু আৰু সোণালী বেন্দ্ৰে।
মাৰণাস্ত্ৰৰেৰে তেওঁলোকে কৃষ্ণসাৰ হৰিণ হত্যা কৰা বুলি স্থানীয় লোকে অভিযোগ কৰিছিল। স্থানীয় লোকে দাবী কৰিছিল যে মাৰণাস্ত্ৰেৰে ছলমান খানসহ দলটোৱে কৃষ্ণসাৰ হৰিণ হত্যা কৰিছিল আৰু গুলীৰ শব্দ স্থানীয় লোকে শুনিবলৈ পাইছিল।
গুলীৰ শব্দৰ শুনি দৌৰি গৈ স্থানীয় লোকে মৃত অৱস্থাত এটা কৃষ্ণসাৰ হৰিণ পৰি থকা প্ৰত্যক্ষ কৰা বুলিও দাবী কৰিছিল।
স্থানীয় লোকক দেখা পায় মৃত হৰিণটো লৈ ছলমান খানসহ দলটো তাৰ পৰা গাড়ী লৈ উধাও হোৱা বুলি অভিযোগ কৰি আহিছে স্থানীয় লোকে।
ইয়াৰ পিছতে অভিনেতাগৰাকীৰ বিৰুদ্ধে অস্ত্ৰ আইন আৰু কৃষ্ণসাৰ হত্যাৰ গোচৰ ৰুজু কৰা হয়। এই গোচৰত অভিনেতাগৰাকীক আদালতে ২০১৮ চনত পাঁচ বছৰৰ কাৰাবাসৰ দণ্ড দিয়ে যদিও ৫০ হাজাৰ ব্যক্তিগত বণ্ডত জামিন প্ৰদান কৰে আদালতে। যাৰ ফলত মুকলি আকাশৰ তলত থাকিবলৈ সুযোগ লাভ কৰে অভিনেতাগৰাকীয়ে।
কিন্তু ইয়াৰ পিছৰে পৰা অভিনেতাগৰাকীয়ে মুঠ ১৭ বাৰ শুনানিৰ সময়ত আদালত উপস্থিত হোৱা নাছিল। সেয়ে এইবাৰ অভিনেতাগৰাকীক অহা ৬ ফেব্ৰুৱাৰীত আদালতত উপস্থিত হোৱাৰ নিৰ্দেশ দিছে আদালতে।
উল্লেখ্য যে বিৰল প্ৰজাতিৰ কৃষ্ণলাৰ হৰিণ হত্যা কৰাটো বন্যপ্ৰাণী সুৰক্ষা আইন অনুযায়ী ভাৰতত দণ্ডনীয় অপৰাধ বুলি গণ্য কৰা হয়।