তাজমহলত বোমাতংক : পৰ্যটকৰ মাজত হাহাকাৰ; এজন ব্যক্তিক আটক আৰক্ষীৰ
তাজমহলত বোমাতংক। এই বাতৰিয়ে চাঞ্চল্যৰ সৃষ্টি কৰিলে তাজমহলত।
বৃহস্পতিবাৰে পুৱা ভাগত বোমাতংকৰ পিছতে সুৰক্ষাৰ স্বাৰ্থত তাজমহলৰ দুখনকৈ গেট বন্ধ কৰা দিয়া হয়।
প্ৰকাশিত বাতৰি অনুসৰি উত্তৰ প্ৰদেশ আৰক্ষীৰ জৰুৰী নম্বৰলৈ অজ্ঞাত নম্বৰৰ পৰা এটা ফোন কল আহে। ফোন কলটোত কোৱা হয় যে তাজমহলত এটা বোমা স্থাপন কৰি থোৱা হৈছে।
এই খবৰ পোৱাৰ মাত্ৰকে তাজমহলত থকা পৰ্যটকসকলক চৌহদৰ বাহিৰলৈ উলিয়াই গেট বন্ধ কৰি দিয়া হয়।
ইয়াৰ পিছতে বোমাৰ সন্ধানত নামি পৰে বোবা স্কোৱাড আৰু আৰক্ষীৰ বিশাল দল। জানিব পৰা মতে স্নিফাৰ ডগও ব্যৱহাৰ কৰো দলটোৱে।
We’d received info from control room that a man called them up saying that there are discrepancies in military recruitment & he wasn’t recruited. A Bomb is kept at Taj Mahal which will explode soon. Security check is being done around Taj Mahal: Shiv Ram Yadav, SP (Protocol) Agra pic.twitter.com/crr8x8sb43
— ANI UP (@ANINewsUP) March 4, 2021
অৱেশ্যে তাজমহলৰ চৌহদত দলটোৱে কোনো বোমাৰ সন্ধান লাভ নকৰিলে।
ইফালে অজ্ঞাত ফোনটো কৰ পৰা আহিছিল তাৰো অনুসন্ধান আৰম্ভ কৰে আগ্ৰা আৰক্ষীয়ে।
আৰক্ষীৰ মতে সেই সংশ্লিষ্ট ফোনটো আহিছিল ফিৰোজাবাদৰ কোনো এক ব্যক্তিৰ পৰা। লোকজনে ভুৱা আতংক বিয়পোৱাৰ বাবেই উক্ত ফোনটো কৰা বুলি আৰক্ষীয়ে প্ৰকাশ কৰিছে।
ইতিমধ্যে ব্যক্তিকজনক আটক কৰিছে আৰক্ষীয়ে।
“সেনা বাহিনীত স্বচ্ছ নিয়োগ হোৱা নাই। তেওঁক নিয়োগ নকৰাৰ বাবে তেওঁ তাজমহলত বোমা ৰখা বুলি জনাইছিল।” আগ্ৰা আৰক্ষী অধীক্ষক শিৱৰাম যাদৱে সংবাদ মাধ্যমক কয়।