বিয়াৰ আগতে মেক-আপ কৰিবলৈ বিউটিচিয়ানৰ ওচৰলৈ গৈছিল কইনা। কিন্তু বিউটিচিয়ানে দিয়া প্ৰসাধন সামগ্ৰীবোৰ মুখত লগোৱাৰ পিছতেই নামি আহিল দুৰ্যোগ। জ্বলি গৈ ফুলি উঠিল কইনাৰ মুখখন। ফলস্বৰূপে তেওঁৰ বিবাহ ভাঙি গ’ল।
ঘটনাটো কৰ্ণাটকৰ হাছান জিলাৰ আৰাচিকেৰ গাঁৱত সংঘটিত হৈছিল। কইনাগৰাকী বৰ্তমান স্থানীয় চিকিৎসালয়ৰ আইচিইউত চিকিৎসাধীন হৈ আছে।
কইনাৰ মুখখন ফুলি ক’লা হৈ পৰা দেখি দৰাজনে বিয়া কৰিবলৈ অস্বীকাৰ কৰিলে। কইনাৰ পৰিয়ালে বিউটিচিয়ানৰ বিৰুদ্ধে আৰক্ষীত অভিযোগ দাখিল কৰিছে।
লগতে পঢ়ক: মাতাল অৱস্থাত সদায় চলাইছিল নিৰ্যাতন! খঙতে কুঠাৰেৰে স্বামীৰ যৌনাংগ কাটি হত্যা পত্নীৰ
মেক-আপ সম্পন্ন কৰাৰ সময়ত সমস্যাত পৰা কইনাগৰাকীয়ে অভিযোগ কৰিছিল যে গংগা নামৰ বিউটিচিয়ানগৰাকীয়ে তেওঁক ফেন্সি ৰূপত সজোৱাৰ প্ৰতিশ্ৰুতি দিছিল। সেইদৰে, অভিযুক্ত বিউটিচিয়ানগৰাকীয়ে তেওঁৰ মুখত প্ৰসাধন সামগ্ৰী ৰাখিছিল আৰু গৰম ভাপ দিবলৈ আৰম্ভ কৰিছিল। কইনাই অভিযোগ কৰিছিল যে গৰম ভাপৰ বাবে তেওঁৰ মুখখন জ্বলি গৈছিল।
আৰক্ষী সূত্ৰই জানিবলৈ দিয়া মতে, কইনাৰ পৰিয়ালে গংগাৰ বিৰুদ্ধে আৰক্ষী চকীত অভিযোগ দাখিল কৰাৰ পিছত আৰক্ষীয়ে তেওঁক মাতি আনি সোধা-পোছা কৰিছে।
