লিষ্টেৰিয়াৰ সম্ভাৱ্য উপস্থিতিৰ বাবে কেডবেৰীৰ নিৰ্মাতা মুলাৰে ফ্লেক আৰু ডেইৰী মিল্ক বাটনকে ধৰি ছটা কেডবেৰীৰ সামগ্ৰীৰ বিক্ৰী প্ৰত্যাহাৰ কৰাৰ কথা ঘোষণা কৰিছে। লিষ্টেৰিয়া হৈছে এক প্ৰকাৰৰ বেক্টেৰিয়া, যিটো ঠাণ্ডা খাদ্যত পোৱা যায়, আৰু ইয়াৰ আক্ৰমণে মানুহৰ শৰীৰত বিৰল সংক্ৰমণ ‘লিষ্টেৰিয়াছিছ’ৰ সৃষ্টি কৰিব পাৰে। যদিও বেছিভাগ লোকৰ বাবে সংক্ৰমণ গুৰুতৰ নহয়, তথাপিও মুলাৰে এটা বিশেষ বেচত নিৰ্মিত কেডবেৰীৰ সামগ্ৰী সেৱন নকৰিবলৈ আৰু ঘূৰাই ল’বলৈ পৰামৰ্শ দিয়ে।
কিন্তু কেডবেৰীৰ সেই বিশেষ বেচটোৰ বাহিৰে আন কোনো বেচত ইয়াৰ প্ৰভাৱ পৰা নাই। খাদ্য মানদণ্ড সংস্থাই (এফ এছ এ) তলত উল্লেখ কৰা ডেজাৰ্টসমূহৰ ক্ষেত্ৰত সাৱধানতা অৱলম্বন কৰাৰ পৰামৰ্শ দিছে।
লগতে পঢ়ক: প্ৰিয়ংকাৰ গোপন কাহিনী ফাদিল! আমেৰিকাৰ পৰা উভতি অহাৰ পিছত খিৰিকীত কিয় গ্ৰীল লগাইছিল পিতৃয়ে?
কেডবেৰী ডাইম চকলেট ডেজাৰ্ট
কেডবেৰী ক্ৰাঞ্চি চকলেট ডেজাৰ্ট
কেডবেৰী ফ্লেক চকলেট ডেজাৰ্ট
কেডবেৰী ডেইৰী মিল্ক বুটাম চকলেট ডেজাৰ্ট
কেডবেৰী ডেইৰী মিল্ক চাংকছ চকলেট ডেজাৰ্ট
কেডবেৰী হিৰোজ চকলেট ডেজাৰ্ট
ইয়াৰ ভিতৰত ফ্লেক এণ্ড ক্ৰাঞ্চি ডেজাৰ্টৰ বাবে ১৭ মে’ আৰু বাকী চাৰিটাৰ বাবে ১৮ মে’ৰ সামগ্ৰী নাখাবলৈ পৰামৰ্শ দিয়া হৈছে।
লগতে পঢ়ক: খেলি থাকোঁতে হঠাতে ৰাস্তাৰ কুকুৰৰ আক্ৰমণ; কামুৰি শৰীৰ চিৰাচিৰ কৰা নাবালকৰ কৰুণ মৃত্যু
এই ঘোষণাৰ পিছৰে পৰা সমগ্ৰ ইউৰোপতে আতংক বিয়পি পৰিছে। হাজাৰ হাজাৰ ষ্ট’ৰৰ পৰা কেডবেৰীৰ সামগ্ৰী আঁতৰোৱা হৈছে। চেণ্টাৰ ফৰ ডিজিজ কন্ট্ৰ’ল (চিডিচি)ৰ তথ্য অনুসৰি খাদ্যজনিত বেক্টেৰিয়াৰ দ্বাৰা হোৱা ৰোগ (লিষ্টেৰিয়াছিছ বুলি কোৱা হয়) লিষ্টেৰিয়াৰ সংক্ৰমণ।
সাধাৰণতে লিষ্টেৰিয়া মনোচাইট’জেনেছ বেক্টেৰিয়াৰ দ্বাৰা দূষিত খাদ্য খোৱাৰ ফলত ইয়াৰ সৃষ্টি হয়। গৰ্ভৱতী মহিলা আৰু ৬৫ বছৰৰ ওপৰৰ বৃদ্ধ লোক এই ৰোগত আক্ৰান্ত হোৱাৰ আশংকা সৰ্বাধিক, কাৰণ এই বেক্টেৰিয়াই ৰোগ প্ৰতিৰোধ ক্ষমতাত আক্ৰমণ কৰে। ব্ৰিটেইনৰ ফুড ষ্টেণ্ডাৰ্ড এজেন্সীয়ে প্ৰতিজন গ্ৰাহকক তেওঁলোকৰ ৱেবছাইটত সামগ্ৰীৰ মেয়াদ উকলি যোৱাৰ তাৰিখ পৰীক্ষা কৰিবলৈ আহ্বান জনাইছে।
লগতে পঢ়ক: কাৰ কাৰ উদয় হ’ল ভাগ্য? কেনেকৈ চাব তৃতীয় বৰ্গৰ চাকৰিৰ ফলাফল?
লিষ্টেৰিয়াছিছৰ লক্ষণসমূহ সাধাৰণ ফ্লুৰ দৰেই। ইয়াৰ ফলত জ্বৰ, পেশী টানি ধৰা বা বিষ, ঠাণ্ডা লগা, ডায়েৰিয়া আদি হ’ব পাৰে। স্বাস্থ্য সংস্থাটোৱে উল্লেখ কৰিছে যে লিষ্টেৰিয়া সংক্ৰমণৰ লক্ষণ আৰু উপসৰ্গসমূহ আক্ৰান্ত ব্যক্তিৰ শৰীৰৰ ওপৰত নিৰ্ভৰ কৰে। বিৰল ক্ষেত্ৰত সংক্ৰমণ অধিক ভয়াৱহ হ’ব পাৰে। ইয়াৰ ফলত মেনিনজাইটিছৰ দৰে গুৰুতৰ জটিলতা হ’ব পাৰে। লিষ্টেৰিয়াছিছৰ ফলত গৰ্ভৱতী মহিলাৰ গৰ্ভপাতৰ সম্ভাৱনা বৃদ্ধি পায়।
