পুত্ৰৰ পিতৃত্বৰ অধিকাৰত পিতৃৰ কোনো দাবী থাকিব নোৱাৰে। শুকুৰবাৰে এগৰাকী থেলাছেমিয়া ৰোগীৰ পিতৃত্বৰ অধিকাৰ সন্দৰ্ভত ঐতিহাসিক ৰায় প্ৰদান কৰে কলকাতা উচ্চ ন্যায়ালয়ে।
এই ৰায়ে বিভিন্ন মহলত তুমুল চৰ্চা লাভ কৰিছে। উচ্চ ন্যায়ালয়খনৰ ন্যায়াধীশ সব্যসাচী ভট্টাচাৰ্যই ৰায়টোত কয়,’’কোনো মৃত ব্যক্তিৰ বীৰ্যৰ ওপৰত সকলোতকৈ প্ৰথমতে অধিকাৰ তেওঁৰ পত্নীৰ বাহিৰে কাৰো নহয়। কিয়নো সন্তান ধাৰণৰ পৰৱৰ্তী সিদ্ধান্ত তেওঁৰ ওপৰতে নিৰ্ভৰশীল।‘’
বাতৰি অনুসৰি, বৰ্তমান এগৰাকী ব্যক্তিয়ে তেওঁৰ মৃত পুত্ৰৰ সংৰক্ষিত বীৰ্যৰ ওপৰত অধিকাৰ বিচাৰি আদালতৰ দ্বাৰস্থ হয়।
দীৰ্ঘদিন পূৰ্বে থেলাছেমিয়া আক্ৰান্ত হৈ মৃত্যু হোৱা ব্যক্তিগৰাকীৰ দিল্লীৰ এখন প্ৰাইবেট হাস্পাতলত চিকিৎসাধীন হৈ আছিল।
চিকিৎসাধীন অৱস্থাতে তেওঁৰ বংশলতা আগবঢ়াই নিয়াৰ বাবে বীৰ্য সংৰক্ষণত অনুমতি দিয়ে। বৰ্তমান সেই মৃত ব্যক্তিগৰাকীৰ পিতৃত্বৰ অধিকাৰক লৈ সংঘাত আৰম্ভ হয়।
উক্ত গোচৰৰ শুনানি গ্ৰহণ কৰি কলকাতা উচ্চ ন্যায়ালয়ে এই ঐতিহাসিক ৰায় দিয়ে। ন্যায়ালয়খনৰ মুখ্য ন্যায়াধীশে জানিবলৈ দিয়ে যে সংৰক্ষিত বীৰ্য গৰ্ভধাৰণৰ বাবে মৃত ব্যক্তিৰ পত্নী বা আন কাৰোবাক দিব পৰা যাব যদিও সকলোৰে আগত মৃতকৰ পত্নীৰ অনুমতি লাগিব।
এইক্ষেত্ৰত পিতৃ-পুত্ৰৰ সম্পৰ্কৰ খেও ধৰি মৃত ব্যক্তিৰ পিতৃত্বৰ অধিকাৰ কোনো ধৰণে পৰিয়ালে হস্তক্ষেপ কৰিব নোৱাৰে।
