যদি আপুনি যুগ যুগ ধৰি চলি অহা টিপছ বিশ্বাস কৰি আহিছে, তেন্তে আপুনি এই কথাত একমত হ’ব যে আমাৰ পাকঘৰত এনে কিছু উপাদান আছে যিয়ে কেৱল আমাৰ আন্ত্ৰিক স্বাস্থ্যই নহয়, আমাৰ ছালকো উপকৃত কৰে।
আমাৰ বহুতেই ইতিমধ্যে চুলিৰ স্বাস্থ্যৰ বাবে নৰসিংহ পাতৰ ওপৰত নিৰ্ভৰশীল আৰু শালমইনাৰ পৰা উপশমৰ বাবে কেঁচা নহৰুৰ পৰীক্ষা-নিৰীক্ষা কৰে। শেহতীয়াকৈ অৱশ্যে ছ’চিয়েল মিডিয়াত এই চৰ্চা বৰ্তমান কেশৰলৈ পৰিণত হৈছে, ইণ্টাৰনেট চেলিব্ৰিটিসকলে ইয়াক বিভিন্ন ছালৰ যত্নৰ সমস্যাৰ সমাধান হিচাপে প্ৰচাৰ কৰিছে।
এই বিলাসী মছলাটো ভাৰতত প্ৰতি কিলোগ্ৰামত ৩,০০,০০০ টকা পৰ্যন্ত বিক্ৰী হ’ব পাৰে বুলি জানিব পৰা গৈছে৷এই তত্ব ধৰি লৈ এটা কথা আলোচনাৰ বিষয় যে ছালৰ বিশেষজ্ঞসকলে আচলতে আপোনাৰ দৈনিক ৰুটিনত কেশৰ যোগ কৰাৰ পৰামৰ্শ দিয়েনে?
সাধাৰণতে কেশৰ ক্ৰকাছ বুলি জনাজাত ক্ৰকাছ চেটিভাছ ফুলৰ সুক্ষ্ম, ৰঙা ৰঙৰ কলংকৰ পৰা কেশৰ সূতা আহৰণ কৰা হয়। যিহেতু এক পাউণ্ড কেশৰ উৎপাদন কৰিবলৈ প্ৰায় ৭৫,০০০ ফুলৰ প্ৰয়োজন হয়, গতিকে ই বিশ্বৰ আটাইতকৈ দামী মছলাৰ ভিতৰত অন্যতম।
ইফালে ছালৰ বাবে কেশৰক উপযোগী বুলি উল্লেখ কৰি নতুন দিল্লীৰ অবিভ এষ্টেটিক্সৰ প্ৰতিষ্ঠাপক তথা নান্দনিক চিকিৎসক ডাঃ সৃষ্টিয়ে ইণ্ডিয়া টুডেক কয় যে এই মছলা সকলো ধৰণৰ ছালৰ বাবে উপকাৰী।তেওঁ কয় ই ছালৰ ৰং উজ্জ্বল কৰে, শালমইনাৰ বিৰুদ্ধে যুঁজ দিয়াত সহায় কৰে, আৰু প্ৰদাহ হ্ৰাস কৰে। বিশেষকৈ শুকান, সংবেদনশীল আৰু শালমইনা প্ৰৱণ ছালৰ বাবে কেশৰ পুষ্টি, আৰ্দ্ৰতাৰ ভাৰসাম্য ৰক্ষা, আৰু তেলৰ মাত্ৰাৰ ক্ষেত্ৰত অতি উত্তম।”
ইয়াৰ উপৰিও গুৰুগ্ৰামৰ চিট্ৰিন ক্লিনিকৰ প্ৰতিষ্ঠাপক তথা ছালৰ বিশেষজ্ঞ ডাঃ নীতি গৌৰে উল্লেখ কৰিছে যে কেশৰ প্ৰায়ে লোচন, মইশ্ব’ৰাইজাৰ, ডি-পিগমেণ্টেচন আৰু এন্টি এজিং সামগ্ৰীত ব্যৱহাৰ কৰা হয়।
অধ্যয়নত এই কথাও দাবী কৰা হৈছে যে কেশৰে UV বিকিৰণৰ পৰা ৰক্ষা কৰিব পাৰে। এই বিষয়ে পোহৰ পেলাই নতুন দিল্লীৰ জোলি স্কিন ক্লিনিকৰ প্ৰতিষ্ঠাপক তথা ছালৰ বিশেষজ্ঞ ডাঃ নিৰুপমা পৰৱাণ্ডাই লক্ষ্য কৰিছে যে কেশৰৰ উচ্চ ক্ৰ’চিন আৰু চেফ্ৰানেল ঘনত্বৰ ওপৰত কৰা গৱেষণাৰ পৰা দেখা গৈছে যে ই ছালখনক ক্ষতিকাৰক ইউভি ৰশ্মিৰ পৰা ৰক্ষা কৰাত সহায় কৰিব পাৰে, প্ৰদাহ হ্ৰাস কৰিব পাৰে আৰু ঘাঁ নিৰাময় কৰাত সহায় কৰিব পাৰে৷
