লুই বাৰ্জাৰ কেলেংকাৰিৰ তদন্তৰ বাবে আহি অসমত উপস্থিত হোৱা চি বি আইৰ দলটোৱে আজি মহানগৰীৰ জি এম ডি এৰ কাৰ্যালয়ত জি এম ডি এৰ প্ৰাক্তন মুখ্য কাৰ্যবাহী বিষয়া প্ৰীতম শইকীয়াক জেৰা কৰে।
চি বি আইৰ এছ পি ৰাজীৱ ৰঞ্জনৰ নেতৃত্বত ৬ জনীয়া এটা দলে জেৰা চলাই আছে। বৰ্তমানলৈকে জিএমডিএ কাৰ্যালয়তে আছে জি এম ডি এৰ প্ৰাক্তন মুখ্য কাৰ্যবাহী বি,য়া তথা বৰ্তমান শিক্ষা বিভাগৰ আয়ুক্ত সচিব গৰাকী।
উল্লেখযোগ্য যে লুই বাৰ্জাৰ কেলেংকাৰিৰ সৈতে সাঙোৰ খাই পৰিছিল শইকীয়াৰ নাম। যোৱা ২৭ চেপ্তেম্বৰতো গুৱাহাটী মহানগৰ উন্নয়ন বিভাগৰ সচিব পৰাগমণি মহন্ত আৰু মুখ্য কাৰ্য্যবাহী বিষয়া ৰূপক মজুমদাৰক চি বি আই এ জেৰা চলাইছিল।
আনহাতে, গুৱাহাটী পানী যোগান প্ৰকল্প ৰূপায়ন শাখা আৰু এনফ’ৰ্ছমেন্ট সঞ্চালকালয়ত চি বি আইয়ে বহু কেইজন বিষয়াক আজি জেৰা চলাব বুলি জানিব পৰা গৈছে।
গুৱাহাটী খোৱাপানী যোগান প্ৰকল্প নিৰ্মাণৰ নামত সংঘটিত কেইবা কোটিটকীয়া লুই বাৰ্জাৰ কেলেংকাৰিৰ তদন্তৰ বাবে যোৱা ২৬ ছেপ্টেম্বৰত গুৱাহাটীত উপস্থিত হোবা চি বি আইৰ দলটোৱে তদন্ত অভিযান অব্যাহত ৰাখিছে।
