চিবিএছইয়ে প্ৰকাশ কৰিলে দশম আৰু দ্বাদশ শ্ৰেণীৰ ব’ৰ্ড পৰীক্ষাৰ ৰুটিন। এইবাৰ পৰীক্ষাৰ কমেও ৮৬ দিন পূৰ্বে সম্পূৰ্ণ সময়সূচী ঘোষণা কৰা হৈছে। বুধবাৰে নিশা কেন্দ্ৰীয় মাধ্যমিক শিক্ষা ব’ৰ্ডে জনোৱা মতে অহা ১৫ ফেব্ৰুৱাৰীৰ পৰা আৰম্ভ হ’ব দশম শ্ৰেণীৰ ব’ৰ্ডৰ পৰীক্ষা। ১৮ মাৰ্চলৈকে চলিব।
আনহাতে, ১৫ ফেব্ৰুৱাৰীৰ পৰা আৰম্ভ হ’ব দ্বাদশ শ্ৰেণীৰ ব’ৰ্ড পৰীক্ষাও। কেন্দ্ৰীয় ব’ৰ্ডে জনোৱা মতে অহা ৪ এপ্ৰিললৈকে এই পৰীক্ষা চলিব।
“৪০,০০০ ছাৱজেক্ট কম্বিনেছনৰ কথা বিবেচনা কৰি পৰীক্ষাৰ সময়সূচী”
কেন্দ্ৰীয় ব’ৰ্ডৰ নিয়ন্ত্ৰক সনাম ভৰদ্বাজে দশম আৰু দ্বাদশ শ্ৰেণীৰ ব’ৰ্ডৰ পৰীক্ষা পিছুৱাই দিয়াৰ সন্দৰ্ভত কয়, ‘দুটা বিষয়ৰ পৰীক্ষাৰ মাজত পৰ্যাপ্ত সময় দিয়া হৈছে। কমেও ৪০ হাজাৰ বিষয়ৰ সংমিশ্ৰণ মনত ৰাখি ব’ৰ্ড পৰীক্ষাৰ তাৰিখপত্ৰ (ৰুটিন) প্ৰস্তুত কৰা হৈছে, যাতে কোনো ছাত্ৰই একেদিনাই দুটা বিষয়ৰ পৰীক্ষা দিবলগীয়া নহয়।’
CBSE বোৰ্ড পৰীক্ষাৰ লগত জড়িত গুৰুত্বপূৰ্ণ বিষয়
১) কেন্দ্ৰীয় ব’ৰ্ডে জনাইছে যে প্ৰথমবাৰৰ বাবে ইমান আগতীয়াকৈ পৰীক্ষাৰ সময়সূচী ঘোষণা কৰা হৈছে। ফলত ছাত্ৰ-ছাত্ৰীসকলে পৰীক্ষাৰ বাবে প্ৰস্তুতি চলাবলৈ পৰ্যাপ্ত সময় পাব।
২) চিবিএছই দশম আৰু দ্বাদশ শ্ৰেণীৰ বৰ্ড পৰীক্ষা পুৱা ১০.৩০ বজাৰ পৰা আৰম্ভ হ’ব।
৩) বিদ্যালয়সমূহে ব’ৰ্ড পৰীক্ষাৰ সময়সূচী অনুসৰি শ্ৰেণী আয়োজন কৰিব পাৰিব।
৪) সকলো বিষয়ৰ শিক্ষকে একে সময়তে যাতে দীঘলীয়া ছুটীত নাযায় তাৰ ওপৰত জোৰ দিয়া হৈছে। সেই কথা মনত ৰাখিয়েই দশম আৰু দ্বাদশ শ্ৰেণীৰ ব’ৰ্ড পৰীক্ষাৰ সময়সূচী প্ৰস্তুত কৰা হৈছে বুলি চিবিএছইয়ে জনাইছে। ফলত উত্তৰ বহী মূল্যায়ন প্ৰক্ৰিয়া সুচাৰুৰূপে চলিব। আন কামৰ বাবেও যথেষ্ট শিক্ষক থাকিব।
৫) চি বি এছ ই দ্বাদশ শ্ৰেণীৰ ব্যৱহাৰিক পৰীক্ষাৰ সময়ত আন এখন বিদ্যালয়ৰ এজন পৰীক্ষক উপস্থিত থাকিব। অৰ্থাৎ চিবিএছই দ্বাদশ শ্ৰেণীৰ ব্যৱহাৰিক পৰীক্ষাৰ সময়ত ‘বাহ্যিক পৰীক্ষক’ থাকিব। আৰু দশম শ্ৰেণীৰ ব্যৱহাৰিক পৰীক্ষাৰ সময়ত বিদ্যালয়ৰ শিক্ষক উপস্থিত থাকিব।
৬) চিবিএছইয়ে জনাইছে যে এইবাৰ চিবিএছইৰ দশম আৰু দ্বাদশ বৰ্ড পৰীক্ষাত অৱতীৰ্ণ হ’বলগীয়া ছাত্ৰ-ছাত্ৰীৰ সংখ্যা প্ৰায় ৪৪ লাখ।
৭) দশম শ্ৰেণীৰ প্ৰথম দিনাৰ পৰীক্ষা ইংৰাজী। আৰু দ্বাদশ শ্ৰেণীৰ প্ৰথম দিনাৰ পৰীক্ষাটো হৈছে Entrepreneurship।
