কেন্দ্ৰীয় মাধ্যমিক শিক্ষা পৰিষদে (চি বি এছ ই)য়ে নৱম আৰু একাদশ শ্ৰেণীৰ নিয়মীয়া ছাত্ৰ-ছাত্ৰীসকলৰ অনলাইন পঞ্জীয়ন প্ৰক্ৰিয়া আগবঢ়াই অনাৰ সিদ্ধান্ত সিদ্ধান্ত লৈছে।
শিক্ষা পৰিষদখনে বিদ্যালয়সমূহত সকলোধৰণৰ কাৰ্যকলাপৰ বাবে পৰ্যাপ্ত সময় আগবঢ়াই সময় মতে পৰীক্ষা অনুষ্ঠিত কৰাৰ প্ৰক্ৰিয়াটো মসৃন কৰি তোলাৰ উদ্দেশ্যে এই পদক্ষেপ গ্ৰহণ কৰিছে।
প্ৰক্ৰিয়াটো ইতিমধ্যে ২০১৯ৰ আগষ্টৰ পৰা আৰম্ভ হৈছে আৰু ৩১ অক্টোবৰ,২০১৯ লৈকে চলিব।
পৰিষদে ২০২০ বৰ্ষৰ দশম আৰু দ্বাদশ শ্ৰেণীৰ পৰীক্ষা শিক্ষা পৰিষদখনৰ ১৬ টা আঞ্চলিক কাৰ্যালয়ৰ জৰিয়তে পৰিচালনা কৰিব।
ইয়াৰ বাবে বিদ্যালয়ৰ কোড সলনিৰ প্ৰয়োজন হ’ব।
বিদ্যালয়ৰ নতুন কোড সমূহ সংশ্লিষ্ট আঞ্চলিক কাৰ্যালয়সমূহে বিদ্যালয়সমূহক অৱগত কৰিব।
শিক্ষা পৰিষদখনৰ সৈতে সকলো ধৰণৰ যোগাযোগৰ ক্ষেত্ৰত কেৱল নতুন কোডসমূহহে ব্যৱহাৰ কৰিবলৈ বিদ্যালয়সমূহক নিৰ্দেশ দিয়া হৈছে।
অনলাইন পঞ্জীয়নৰ জৰিয়তে দাখিল কৰা ছাত্ৰ-ছাত্ৰীসকলকহে ২০২১বৰ্ষৰ ফেব্ৰুৱাৰিৰ পৰা এপ্ৰিল মাহৰ ভিতৰত অনুষ্ঠিত হ’বলগীয়া দশম আৰু দ্বাদশ শ্ৰেণীৰ পৰীক্ষাত অৱতীৰ্ণ হোৱাৰ অনুমতি দিয়া হ’ব।
চিবিএছইৰ অধীনৰ বিদ্যালয়সমূহে অনলাইন দাখিলৰ বাবে আগবঢ়াৰ আগেয়ে তেওঁলোকৰ পঞ্জীয়ন কৰাটো প্ৰয়োজন হ’ব।
বিদ্যালয়সমূহে ইতিমধ্যে তেওঁলোকৰ লগত থকা ‘এফিলিয়েশ্যন নাম্বাৰ’ য়ুজাৰ আই ডি হিচাপে ব্যৱহাৰ কৰিব লাগিব।
বিদ্যালয়সমূহে ৩০ ছেপ্টেম্বৰ ২০১৯’ৰ ভিতৰত জৰিমনা নোহোৱাকৈ তথ্যসমূহ নিৰ্দিষ্ট স্থানত দাখিল কৰিব লাগিব।
ছাত্ৰ-ছাত্ৰীসকলৰ অনলাইন পঞ্জীয়নৰ দিন ‘লেইট ফী’ নভৰাকৈ ৮ আগষ্ট,২০১৯ৰ পৰা ১৫ অক্টোবৰ,২০১৯ ধাৰ্য কৰা হৈছে।
ভাৰতীয় বিদ্যালয়সমূহৰ বাবে প্ৰতিগৰাকী ছাত্ৰ-ছাত্ৰীৰ পঞ্জীয়ন মাচুল হৈছে (লেইট ফী নভৰাকৈ) ৩০০ টকা।
বিদেশী বিদ্যালয়ৰ বাবে (লেইট ফী নভৰাকৈ) পঞ্জীয়ন মাচুল প্ৰতিগৰাকী ছাত্ৰ-ছাত্ৰীৰ বাবে ৫০০ টকা (নৱম শ্ৰেণীৰ বাবে) আৰু প্ৰতিগৰাকী ছাত্ৰ-ছাত্ৰীৰ বাবে ৬০০ টকা (একাদশ শ্ৰেণীৰ বাবে)।
ভাৰতীয় বিদ্যালয়সমূহৰ বাবে প্ৰতিগৰাকী ছাত্ৰ-ছাত্ৰীৰ পঞ্জীয়ন মাচুল (লেইট ফীৰ সৈতে) ২৩০০ টকা।
বিদেশী বিদ্যালয়ৰ বাবে (লেইট ফীৰ সৈতে) পঞ্জীয়ন মাচুল প্ৰতিগৰাকী ছাত্ৰ-ছাত্ৰীৰ বাবে ২৫০০ টকা (নৱম শ্ৰেণীৰ বাবে) আৰু প্ৰতিগৰাকী ছাত্ৰ-ছাত্ৰীৰ বাবে ২৬০০ টকা (একাদশ শ্ৰেণীৰ বাবে)।
পঞ্জীয়ন প্ৰক্ৰিয়াৰ সৱিশেষ জানিবৰ বাবে চিবিএছইৰ নিজা ৱেবছাইট চাব পাৰে।
