কেন্দ্রৰ তথ্য প্রযুক্তি বিভাগে ২২টা অবৈধ বেটিং এপ আৰু ৱেবছাইট ব্লক কৰাৰ নির্দেশ দিছে৷ কেন্দ্ৰীয় সংস্থা এনফৰ্চমেণ্ট ডাইৰেক্টৰেটে কিছুদিনৰ পৰা ব্লক কৰা এপ আৰু ৱেবছাইটসমূহৰ ওপৰত তদন্ত চলাই আছিল।
জানিব পৰা মতে, ইডিক অবৈধ বেটিং এপ ছিণ্ডিকেটৰ তদন্তৰ দায়িত্ব দিয়া হৈছিল। সেই তদন্তৰ প্ৰতিবেদন পোৱাৰ পিছতে এই ঘোষণা কৰিছে কেন্দ্ৰই। এই তালিকাত আছে ছত্তীশগড়ৰ মহাদেৱ বুক এপ। জনা যায় যে বহু দিনৰ পৰাই এই সংস্থাৰ দ্বাৰা কিছু অবৈধ কাম-কাজ চলাই থকা হৈছিল।
শুভম সোণী নামৰ এজন ব্যক্তিৰ ওপৰত সন্দেহ আছিল ইডিৰ। জানিব পৰা মতে, ইডিয়ে ধন সৰবৰাহৰ গোচৰত শুভমক নজৰত ৰাখিছিল। ব্যক্তিজনে ডুবাইলৈ গৈ তাৰ পৰাই এটা ভিডিঅ’ বনাইছিল। তাত তেওঁ ছত্তীশগড়ৰ মুখ্যমন্ত্ৰী ভূপেশ বাঘেলৰ বিৰুদ্ধে এক বৃহৎ অভিযোগ উত্থাপন কৰে।
লগতে পঢ়কঃ মহান কোহলিৰ ‘বিৰাট’ মন্তব্য! অভিলেখ স্পৰ্শ কৰি ক’লে, তেওঁৰ দৰে কেতিয়াও হ’ব নোৱাৰো, তেওঁৱেই মোৰ হিৰ’
কেন্দ্ৰই জনাইছে যে ছত্তীশগড় চৰকাৰে ইচ্ছা কৰিলে এই অবৈধ এপটো বন্ধ কৰিব পাৰিলেহেঁতেন। কিন্তু সেইটো কেতিয়াও চেষ্টা কৰা হোৱা নাছিল। আনকি ডেৰ বছৰ ধৰি তদন্ত চলি থকাৰ পিছতো। কেন্দ্ৰীয় তদন্তকাৰী সংস্থাটোৱে ৰাজ্য চৰকাৰৰ এই সিদ্ধান্তৰ আঁৰৰ কাৰণসমূহ বিতংভাৱে চোৱাচিতা কৰি আছে।
