এতিয়াৰে তিনিটাকৈ সন্তান জন্ম দিব পাৰিব চীনত।
দেশখনৰ শেহতীয়া জৰীপত জন্মৰ হাৰ কমি অহাৰ পৰিপ্ৰেক্ষিতত দেশখনে পূৰ্বৰ দুটি সন্তানৰ নীতি উঠাই লৈছে।
উল্লেখযোগ্য যে ২০১৬ চনলৈকে দেশখনত এটা সন্তানৰ নীতি চলি আছিল কিন্তু তেতিয়াও জন্মৰ হাৰ কমাৰ বাবে দুটি সন্তানৰ নীতি গ্ৰহণ কৰিছিল।
কমিউনিষ্ট পাৰ্টিৰ শীৰ্ষ নেতৃত্বৰে স’তে হোৱা এক বৈঠকত ৰাষ্ট্ৰপতি ঝি জিনপিঙে এই সিদ্ধান্তক অনুমোদন কৰে।
দেশখনৰ মানৱ সম্পদক সুস্থভাৱে পৰিচালিত কৰিবলৈকে এই সিদ্ধান্ত লোৱা হৈছে বুলি জানিব পৰা গৈছে।
উল্লেখযোগ্য যে এই মাহৰ প্ৰথমফালে প্ৰকাশ কৰা গণনাত দেখা গৈছে যোৱা বৰ্ষত দেশখনত ১২ মিলিয়ন সন্তান জন্ম হৈছে, যিটো ১৯৬০ চনৰ পাছত সৰ্বনিম্ন।
