খ্ৰীষ্টান লোক সকলৰ আৰাধ্য পুৰুষ যীশু খ্ৰীষ্টৰ ছবি বেৰত আঁৰি ৰখা দেখিলেই চীনত কাৰাগাৰলৈ যাব লাগিব যিকোনো লোক।
বেইজিঙৰ প্ৰশাসনে শেহতীয়াকৈ চীনত বাস কৰা খ্ৰীষ্ট ধৰ্মী লোক সকলক বেৰৰ পৰা যীশু খ্ৰীষ্টৰ ছবি আঁতৰাই তাৰ ঠাইত দেশ খনৰ ৰাষ্ট্ৰপতি ঝি জিনপিঙৰ ছবি লগাবলৈ নিৰ্দেশ জাৰি কৰিছে।
এই নিৰ্দেশ উলংঘা কৰা সকলৰ বিৰুদ্ধে কঠোৰ ব্যৱস্থা গ্ৰহণ কৰা হ’ব বুলিও সকীয়াই দিয়া হৈছে।
চীনৰ আনহুই, চাংজি,জিয়াংজু আদি প্ৰদেশত বাস কৰা খ্ৰীষ্ট ধৰ্মী লোক সকলক এই বুলি কোৱা হৈছে যে সংকটৰ সময়ত খ্ৰীষ্টধৰ্মী লোক সকলক সহায় কৰিবলৈ যীশু খ্ৰীষ্ট নাহে।
খ্ৰীষ্টধৰ্মী লোক সকলক সহায় কৰিব লাগিব ৰাষ্ট্ৰপতি জিনপিঙেই ।
সেই বাবেই যীশু খ্ৰীষ্টৰ সলনি খ্ৰীষ্ট ধৰ্মী লোক সকলে যীশুৰ ছবিৰ সলনি জিনপিঙৰ ছবিহে আঁৰিব লাগিব। কেৱল যীশুৰ ছবিৰ ক্ষেত্ৰতে নহয়,খ্ৰীষ্ট ধৰ্মী সকলক তেওঁলোকৰ পবিত্ৰ ধৰ্ম গ্ৰন্থ বাইবেল খনো নতুনকৈ লিখিবলৈ কোৱা হৈছে।
বিগত বৰ্ষৰ নবেম্বৰ মাহত বেইজিঙৰ প্ৰশাসনে মুছলমান লোক সকলকো কোৰাণ নতুনকৈ লিখাৰ নিৰ্দেশ দিছিল।
শেহতীয়াকৈ চীনৰ চৰকাৰে সংস্কাৰ সাধনৰ নামত প্ৰায় ১০ লাখ উইঘূৰ মুছলমান লোকক ডিটেনছন কেম্পত ৰাখিছে।
যিটো বিষয়ক লৈ চীনৰ সৈতে আমেৰিকাৰ সংঘাতৰ সৃষ্টি হৈছে।
