ক’ৰ’না ভাইৰাছৰ আতংকই সমগ্ৰ চীনক গ্ৰাস কৰি থকাৰ সময়তে দেশখনৰ টেবল টেনিছদলটোৱে কাটাৰত আশ্ৰয় লৈছে।
আৰবীয় দেশখনে জাৰ্মান অ’পেন সামৰি ঘৰলৈ উভতিবলৈ ওলোৱা দলটোলৈ এই প্ৰস্তাৱ আগবঢ়োৱাত দলটোৱে সেয়া গ্ৰহণ কৰে।
দলটোত প্ৰায় ৩০জন সদস্য আছে আৰু তেওঁলোকে অহা ৩ মাৰ্চৰ পৰা অনুষ্ঠিত হ’ব লগীয়াকাটাৰ অপেনত অংশগ্ৰহণ কৰিব।
চীনৰ দলটো তেতিয়ালৈকে দেশখনৰ টেবল টেনিছ এছ’চিয়েশ্যনৰ আতিথ্যত থাকিব আৰু তাতেঅনুশীলন চলাই যাব তেওঁলোকৰ বাবে এছ’চিয়েশ্যনে ১৫খন টেবল আৰু ২০০০টা বল যোগান ধৰা বুলি এটাবাতৰিত প্ৰকাশ।
ইয়াৰ বাবে কৃতজ্ঞতা জনাই চীনৰ টেবল টেনিছ এছ’চিয়েশ্যনৰ সভাপতি লিউ গুৱালিয়াঙেকয়, “এই জটিল সময়ত আমালৈ আগ বঢ়োৱা সকলো সহযোগিতাৰ বাবে আমি কৃতজ্ঞ”।টেবল টেনিছ চীনৰ জাতীয় খেল আৰু এইবিধ খেলত দেশখন বিশ্বৰ ভিতৰতে আগবঢ়া।
তেওঁলোকৰ মাজত বিশ্বমানৰ কেইবাজনো তাৰকা খেলুৱৈ আছে। ২০২০-ৰ টকিঅ’ অলিম্পিকৰ প্ৰেক্ষাপটত দলটোৰ বাবে মুকলিমূৰীয়া অনুশীলন অতিকৈ গুৰুত্বপূৰ্ণ।
উল্লেখযোগ্য যে ক’ৰ’না ভাইৰাছত হাজাৰ হাজাৰ লোক আক্ৰান্ত হোৱা দেশখনত এটাআতংকময় পৰিস্থিতিৰ সৃষ্টি হৈছে আৰু তাৰ পৰা আৰু তালৈ আহ-যাহ এটা শংকাত পৰিণত হৈছে।
তথ্য-প্ৰযুক্তিৰে উন্নত দেশখনে যুদ্ধকালীন দ্ৰুততাৰে যুঁজ দি থকাৰ পিছতো ভাইৰাছবিধৰসংক্ৰমণৰ ফলত এতিয়ালৈকে ১০০০জনৰো অধিক লোকৰ মৃত্যু হৈছে।
