ন্যায়াধীশসকলক অপমান কৰাৰ প্ৰৱণতা এটা আৰম্ভ হৈছে। নিজৰ পছন্দ মতে ৰায়দান নহ’লেই বিভিন্নধৰণে ন্যায়াধীশকলক চৰকাৰে অপমানিত কৰিছে। বৰ্তমানৰ এই প্ৰৱণতা অতি দুৰ্ভাগ্যজনক। নিজৰ পৰ্যবেক্ষণত দেশৰ মুখ্য ন্যায়াধীশ এন ভি ৰামানাই এইদৰে মন্তব্য কৰিছে।
এই প্ৰ সংগত উল্লেখ কৰা দুটা গোচৰৰ ভিতৰত এটা গোচৰ আছিল ছত্তীশগড় চৰকাৰৰ। দুয়োটা গোচৰেই উচ্চ ন্যায়ালয়ৰ ৰায়ক প্ৰত্যাহ্বান জনাই আবেদন কৰা হৈছিল।
লগতে পঢ়ক: কৰ’নাৰ সংক্ৰমণক লৈ উদ্বেগৰ কাৰণ দেশৰ ৫ খন ৰাজ্য; সতৰ্ক কৰি দিলে কেন্দ্ৰই
বাতৰি অনুসৰি, ছত্তীশগড়ৰ প্ৰাক্তন মুখ্যমন্ত্ৰীৰ প্ৰধান সচিব ভাৰতীয় প্ৰশানিক সেৱাৰ বিষয়া অমন সিঙৰ বিৰুদ্ধে আয় বহিৰ্ভূত সম্পত্তি গোটোৱাৰ অভিযোগ কৰা হয়। সেই মৰ্মে সিঙৰ বিৰুদ্ধে আৰক্ষীৰ ওচৰত অভিযোগ দাখিল কৰা হয়। কিন্তু উচ্চ ন্যায়ালয়ে উক্ত গোচৰত এজাহাৰ খাৰিজৰ নিৰ্দেশ দিছিল। তাৰপিছতে সেই ৰায়ক প্ৰত্যাহ্বান জনাই উচ্চতম ন্যায়ালয়ত গোচৰ তৰা হয়।
মুখ্য ন্যায়াধীশৰ নেতৃত্বৰ বিচাৰপীঠত এই গোচৰৰ শুনানি চলে। এই শুনানিৰ সময়তে মুখ্য ন্যায়াধীশগৰাকীয়ে কয়, ‘’এইটো এটা নতুন প্ৰৱণতা। চৰকাৰে ন্যায়াধীশসকলক অপমান কৰা আৰম্ভ কৰিছে। এইটো দুৰ্ভাগ্যজনক। আমি আদালততো এইটো প্ৰায়েই দেখিবলৈ পাইছো।‘’
মুখ্য ন্যায়াধীশগৰাকীৰ এনে মন্তব্য শুনি গোচৰীয়াপক্ষৰ অধিবক্তাসকলৰ স্বাভাৱিকতে অস্বস্তিত পৰে। ইয়াৰ ভিতৰত ছত্তীশগড় চৰকাৰৰ হৈ আদালতত উপস্থিত থকা ৰাকেশ দ্বিবেদীয়ে আদালতক ক’বলৈ চেষ্টা কৰে যে তেওঁলোকে কেতিয়াও এনে প্ৰৱণতাক প্ৰশ্ৰয় নিদিয়ে।
লগতে পঢ়ক: ৰাছিয়াই দেশখনত বন্ধ কৰিলে এমেনেষ্টি ইন্টাৰনেশ্যনেল আৰু হিউমেন ৰাইটছ ৱাচ্চৰ কামকাজ
পিচে, লগে লগে উভতি ধৰি মুখ্য ন্যায়াধীশ ৰামানাই তেওঁক কয়,’’নহয়, আমি এইটো প্ৰতিদিনেই দেখিছো। আপুনি নিজেই এগৰাকী জ্যেষ্ঠ অধিবক্তা। আপুনি আমাতকৈ বহু বেছি দেখিছে। এইটো এটা নতুন প্ৰৱণতা।‘’
