স্কুলত হোৱা কাজিয়াৰ পৰিণতি। ইয়াৰ ফলত চতুৰ্থ শ্ৰেণীৰ তিনিজন ছাত্ৰই সহপাঠী এজনক জ্যামিতিৰ কম্পাছেৰে ১০৮ বাৰ খুচা মাৰিলে। মধ্য প্ৰদেশৰ এখন ব্যক্তিগত বিদ্যালয়ত সংঘটিত হৈছে এই ঘটনা।
জানিব পৰা মতে যোৱা শুকুৰবাৰে ইন্দোৰৰ সেই ব্যক্তিগত বিদ্যালয়ৰ শিক্ষাৰ্থীৰ মাজত কোনো বিষয় লৈ কাজিয়া হৈছিল। সেই খঙতে তিনিজন ছাত্ৰই সহপাঠী এজনক কম্পাছেৰে ১০৮ বাৰ খুচা মাৰে।
লগতে পঢ়কঃ তিনি বছৰত ত্ৰিশ হাজাৰ দৰত ৯০০টা অবৈধ গৰ্ভপাত! গ্ৰেপ্তাৰ চিকিৎসক
ভয়ত একোৱে ক’ব নোৱাৰিলে আক্ৰান্ত ছাত্ৰজনে। গোটেই শৰীৰত আঘাতৰ দাগ লৈ ঘৰলৈ উভতি আহি গোটেই ঘটনাটো জনায়। ইয়াৰ পিছতে ছাত্ৰজনৰ পিতৃয়ে থানাত এজাহাৰ দাখিল কৰে।
ইতিমধ্যে শিশু সুৰক্ষা আয়োগে আৰক্ষীক এই ঘটনাৰ তদন্ত কৰিবলৈ জনাইছে। আটাইকেইজন অভিযুক্তৰ বয়স ১০ বছৰৰ তলৰ হোৱাত এই কাণ্ডক লৈ আয়োগ গভীৰভাৱে চিন্তিত।
বিশেষ আইনৰ অধীনত তেওঁলোকৰ বিৰুদ্ধে ব্যৱস্থা গ্ৰহণ কৰা হ’ব। শিশু সুৰক্ষা আয়োগে তেওঁলোকৰ পিতৃ-মাতৃকো পৃথকে বুজাব।
লগতে পঢ়কঃচাঞ্চল্য! বিবাহথলীতে নিজ মাতৃ, ভগ্নী, হ’বলগীয়া পত্নীক হত্যা কৰি নিজৰো প্ৰাণ ল’লে দৰাই
ইপিনে, বিদ্যালয় কৰ্তৃপক্ষই চিচিটিভিৰ ফুটেজ দেখুৱাবলৈ সন্মতি নোহোৱাৰ অভিযোগ তুলিছে আক্ৰান্ত ছাত্ৰজনৰ পিতৃয়ে।
