কয়লাৰ অভাৱ: আমদানিকৃত গেছৰ সহায়ত এনটিচিপি প্ৰকল্প পুনৰ আৰম্ভ কৰিব কেন্দ্ৰই
নেৰানেপেৰা বৰষুণৰ ফলত খনিৰ খনন বাধাগ্ৰস্ত হোৱাৰ বাবে দেশত বাৰিষা কালত হ্ৰাস হ’ব পাৰে কয়লাৰ যোগান। এনে অৱস্থাত বাৰিষা মাহত শক্তি উৎপাদনৰ বাবে আমদানি কৃত গেছ ব্যৱহাৰ কৰি মুঠ ৫ গিগাৱাটতকৈ অধিক ক্ষমতাৰ এনটিচিপি প্ৰকল্প পুনৰ আৰম্ভ কৰিবলৈ সাজু হৈছে কেন্দ্ৰ।
আমদানিকৃত গেছ ব্যৱহাৰেৰে উৎপাদিত বিদ্যুতৰ মূল্য প্ৰতি ইউনিটত ২২ বা ২৩ টকা হোৱাৰ সম্ভাৱনা আছে। যদি সেয়া হয়, বৰ্তমানৰ বিদ্যুৎ শুল্কতকৈ এই পৰিমাণ প্ৰায় চাৰি-পাঁচ গুণ অধিক হ’ব পাৰে।
ইতিমধ্যে শক্তি মন্ত্ৰালয়ৰ বিষয়াসকলে এনটিপিচিৰ সৈতে এই সন্দৰ্ভত সন্মিলন অনুষ্ঠিত কৰিছে।
সূত্ৰ অনুসৰি চৰকাৰে গেছ-আধাৰিত শক্তি প্ৰকল্প পৰিচালনা কৰাৰ সম্ভাৱনা পৰীক্ষা কৰি আছে। অৱশ্যে শুল্ক বৃদ্ধিৰ আশংকা এই ক্ষেত্ৰত আটাইতকৈ প্ৰত্যাহ্বানজনক হিচাপে বিবেচিত হৈছে।
ভাৰতৰ সৰ্বাধিক বৈদ্যুতিক শক্তিৰ চাহিদাই যোৱা সপ্তাহত একেৰাহে ৩ দিনৰ বাবে অভিলেখ ভংগ কৰিছিল। এই সময়চোৱাত বৃদ্যুৎ চাহিদা ২১১ গিগাৱাটতকৈ অধিক হৈ পৰিছিল।
শক্তি প্ৰকল্পবোৰত কয়লাৰ মজুত যোৱা মাহত ২০ নিযুত টনৰ পৰা ২৪ নিযুত টনলৈ বৃদ্ধি হৈছে। অৱশ্যে বৰষুণৰ বাবে এই পৰিমাণ পৰ্যাপ্ত নহ’ব বুলি জানিব পৰা গৈছে।