Concern over China’s big rocket debris fall to Earth চীনৰ এটা ৰকেটৰ ধ্বংসাৱশেষ পৃথিৱীত পৰাক লৈ উদ্বেগৰ সৃষ্টি হৈছে। ৰকেটটোৰ ধ্বংসাৱশেষ নিয়ন্ত্ৰণহীনভাৱে এই দুই এদিনতে পৃথিৱীত পৰি বিধ্বস্ত হোৱাৰ সম্ভাৱনা আছে।ধ্বংসাৱশেষবোৰ যদিও জনবসতিপূৰ্ণ অঞ্চলত পৰাৰ সম্ভাৱনা খুবেই কম, তথাপি ই উদ্বেগৰ বিষয় হৈ আছে। বিভিন্ন দেশে তেওঁলোকৰ নিজৰ মহাকাশ আৱৰ্জনাৰ দায়িত্ব কেনেদৰে লোৱা উচিত তাকলৈও চৰ্চা হৈছে।
নাছাই ইয়াৰ আগতে চীনৰ মহাকাশ সংস্থাক ৰকেট এনেদৰে ডিজাইন কৰিবলৈ আহ্বান জনাইছিল যাতে পৃথিৱীৰ বায়ুমণ্ডলত পুনৰ প্ৰৱেশ কৰাৰ সময়ত সেইবোৰ সৰু সৰু টুকুৰা হৈ পৰে। সেইটোৱে হৈছে আন্তৰ্জাতিক নিয়ম।
চীনৰ নিৰ্মাণৰত তিয়ানগং মহাকাশ কেন্দ্ৰলৈ যোৱা শেহতীয়া ৰকেটবোৰত পৃথিৱীত অৱতৰণ কৰাৰ সময়ত নিয়ন্ত্ৰণ কৰাৰ কোনো ব্যৱস্থা নাই।
যোৱা দেওবাৰে চীনৰ অন্তিম ৰকেট উৎক্ষেপণ হৈছিল। এটা লং মাৰ্চ ৫ ৰকেট এটা পৰীক্ষাগাৰৰ অংশলৈ তিয়ানগং ষ্টেচনত উপস্থিত হৈছিল। চীন চৰকাৰে বুধবাৰে কৈছিল যে ইয়াৰ ৰকেটৰ পুনৰ প্ৰৱেশে পৃথিৱী পৃষ্ঠত কাৰো বাবে বিপদাশংকা সৃষ্টি নকৰে। কিয়নো সম্ভৱতঃ ই সাগৰতে পৰিব।
অৱশ্যে, ৰকেটৰ টুকুৰাবোৰ জনবসতিপূৰ্ণ এলেকাত অৱতৰণ কৰাৰ সম্ভাৱনা যে একেবাৰে নাই, সেয়াও নহয়। ২০২০ চনৰ মে মাহত আইভ’ৰি ক’ষ্টৰ এনে ঘটনাত কোনো প্ৰাণহানি নহ’লেও সম্পত্তিৰ ক্ষয়ক্ষতি হৈছিল।
লগতে পঢ়ক: অশান্ত আফগানিস্তান: ক্ৰিকেট প্ৰতিযোগিতা চলি থকাৰ মাজতে ষ্টেডিয়ামত আত্মঘাতী বোমাৰুৰ বিস্ফোৰণ
চীনা ৰকেটৰ খালী অংশটো এতিয়া পৃথিৱীৰ চাৰিওফালে উপবৃত্তাকাৰ কক্ষপথত আছে। ই পৃথিৱীৰ মাধ্যাকৰ্ষণৰ ফলত ক্ৰমে এক অনিয়ন্ত্ৰিত পুনৰ প্ৰৱেশৰ পথত আগবাঢ়িছে।
কেলিফৰ্ণিয়াস্থিত সংস্থা এৰোস্পেচ কৰ্পোৰেচনৰ মতে ই দেওবাৰে মাজনিশা গ্ৰীনিছ মান সময় মাজনিশাৰ পিছত পৃথিৱীৰ বায়ুমণ্ডলত প্ৰৱেশ কৰিব।
Our latest prediction for #CZ5B rocket body reentry is:
🚀30 Jul 2022 18:16 UTC ± 5 hours
Reentry will be along one of the ground tracks shown here. It is still too early to determine a meaningful debris footprint. Follow this page for updates: https://t.co/SxrMtcJnj0 pic.twitter.com/QXC8ZyTENm— The Aerospace Corporation (@AerospaceCorp) July 29, 2022
ৰকেটৰ ২৫ টন ওজনৰ আৱৰ্জনাবোৰ প্ৰকৃততে ক’ত পৰিব সেয়া ইমান আগেয়ে সঠিকভাৱে কোৱাটো সম্ভৱ নহয়। এৰোস্পেচ কৰ্পোৰেচনৰ মতে ৰকেটৰ ধ্বংসাৱশেষ পৰাৰ সম্ভাৱ্য অঞ্চলবোৰৰ ভিতৰত আছে আমেৰিকা যুক্তৰাষ্ট্ৰ, আফ্ৰিকা, অষ্ট্ৰেলিয়া, ব্ৰাজিল, ভাৰত আৰু দক্ষিণ-পূব এছিয়া।
