অসমত ২৭ জনলৈ বৃদ্ধি পালে ক’ৰ’নাত আক্ৰান্তৰ সংখ্যা
অসমত দ্ৰুত হাৰত বৃদ্ধি পাবলৈ ধৰিছে ক’ৰ’না ভাইৰাছত আক্ৰান্ত হোৱা লোকৰ সংখ্যা। ৰাজ্যখনত আৰু এজন COVID-19 পজিটিভ ৰোগীৰ ঘটনা পোহৰলৈ আহিছে।
ইয়াকে লৈ ৰাজ্যখনত এতিয়ালৈকে কৰ’না ভাইৰাছত আক্ৰান্ত ৰোগীৰ সংখ্যা ২৭ জনলৈ বৃদ্ধি পালে।
স্বাস্থ্য মন্ত্ৰী হিমন্ত বিশ্ব শৰ্মাই আজি পুৱা টুইটাৰ যোগে ধুবুৰীৰ এজন লোকৰ দেহত কোভিদ-১৯ পজিটিভ অহা বুলি জানিবলৈ দিয়ে।
মন্ত্ৰী শৰ্মাই জানিবলৈ দিয়া মতে শেহতীয়া এই ঘটনাটোও দিল্লীৰ নিজামুদ্দিনৰ তবলিগী জামাত মাৰ্কাজৰ সৈতে জড়িত।
তেওঁ টুইটোত কয়, ‘অসমত পুনৰ ধুবুৰীৰ এগৰাকী লোকৰ দেহত কোভিদ-১৯ ত আক্ৰান্ত হোৱা বুলি ধৰা পৰিছে। ইয়াৰ ফলত ৰাজ্যখনত আক্ৰান্তৰ সংখ্যা ২৭ গৰাকীলৈ বৃদ্ধি পালে’।
‘আক্ৰান্ত এই গৰাকী ব্যক্তিও নিজামুদ্দিন মাৰ্কাজত তবলিগী জামাত সমাবেশ সম্পৰ্কীয়’, এই কথাও টুইটোত উল্লেখ কৰে।
Alert ~ one more #Covid_19 positive case from Dhubri District has been confirmed, taking the total number in Assam to 27.
This patient is related to #NizamuddinMarkaz event in Delhi.
Update at 9.25 am / April 7
— Himanta Biswa Sarma (@himantabiswa) April 7, 2020
উল্লেখ্য যে বৰ্তমানলৈ অসমত ক’ৰ’নাত আক্ৰান্ত হোৱা ২৭ গৰাকী লোকৰ ভিতৰত ২৬গৰাকী লোকৰে দিল্লীৰ নিজামুদ্দিন জামাতৰ সৈতে সম্পৰ্ক আছিল।