ৰাষ্ট্ৰজোৰা ২১ দিনীয় COVID-19ৰ লকডাউনৰ সময়ত দেশৰ জনসাধাৰণে বিভিন্ন মনোৰঞ্জনৰ বিষয়সমূহত ব্যস্ত হৈ পৰিছে।
এনে এক মনোৰঞ্জনৰ মাধ্যম পৰ্ণছাইটসমূহ। চৰকাৰে লোকসকলক ঘৰতে আৱদ্ধ কৰি ৰখাত উৎসাহ যোগাবলৈ বহুকেইটা এনে পৰ্ণছাইটৰ ওপৰত থকা নিষেধাজ্ঞা উঠাই দিছে।
বিশ্বৰ প্ৰাপ্তবয়স্কৰ বাবে মনোৰঞ্জনৰ এটা অন্যতম বৃহৎ ৱেবছাইট পৰ্ণহাবৰ মতে, লকডাউনৰ আৰম্ভ হোৱাৰে পৰা ভাৰতীয়সকলে ৱেবছাইটটো চোৱাৰ মাত্ৰা বৃদ্ধি পাইছে।
যোৱা ২ এপ্ৰিলত পৰ্ণহাবে প্ৰকাশ কৰা শেহতীয়া তথ্য মতে কৰ’নাভাইৰাছ মহামাৰীৰ এই সময়ছোৱাত ভাৰতত ইয়াৰ বজাৰ দ্ৰুতভাৱে বৃদ্ধি পাইছে।
পৰ্ণহাবৰ শেহতীয়া তথ্যই লগতে দেখুৱাইছে যে ৱেবছাইটটোত কৰ’না চাৰ্ছ বা কোভিডৰ বাবে ১৫ নিযুততকৈয়ো অধিক চাৰ্ছ হৈছে।
লকডাউনৰ সময়ত পৰ্ণহাবে ইয়াৰ প্ৰিমিয়াম একাউন্টৰ বাবে এমাহৰ বিনামূলীয়া অফাৰ ঘোষণা কৰাৰ বাবেও ভাৰতত ইয়াৰ দৰ্শক বৃদ্ধি পোৱাত সহায় কৰা বুলি অনুমান কৰা হৈছে।
পৰ্ণহাবে সদৰী কৰা তথ্য মতে ভাৰতত লকডাউন ঘোষণা কৰাৰ পাছতে ইয়াৰ দৰ্শকৰ সংখ্যা বৃদ্ধি পাইছে।
ৱেবছাইটোৱে যোৱা ২৪ মাৰ্চৰ পাছত ভাৰতত ২৩ শতাংশ ট্ৰেফিক বৃদ্ধি পোৱা বুলি সদৰী কৰিছে।
ভাৰতত যোৱা ২৭ মাৰ্চত সৰ্বাধিক ৯৫.৩ শতাংশ য়ুজাৰ বৃদ্ধি পোৱা বুলি কোৱা হৈছে। উল্লেখ্য যে পৰ্ণহাব ৱেবছাইটটো ভাৰতত নিষিদ্ধ কৰা আছিল।
