কৰ’নাত আক্ৰান্ত কংগ্ৰেছ নেতা শচীন পাইলট; নিজেই টুইট কৰি জনালে নেতাগৰাকীয়ে
প্ৰাক্তন সাংসদ, ৰাজস্থান কংগ্ৰেছৰ শীৰ্ষ নেতা তথা বৰ্তমান বিধায়ক শচীন পাইলট কৰ’নাত আক্ৰান্ত হৈছে। বৃহস্পতিবাৰে নিজেই টুইট কৰি এই কথা জানিবলৈ দিয়ে নেতাগৰাকীয়ে।
কংগ্ৰেছৰ জনপ্ৰিয় নেতা পাইলটে লগতে তেওঁৰ সংস্পৰ্শলৈ অহা সকলো ব্যক্তিকে কৰ’না টেষ্ট কৰাৰ বাবে আহ্বান জনাইছে।
চিকিৎসকলৰ পৰামৰ্শ গ্ৰহণ কৰি নেতাগৰাকীয়ে বৰ্তমান চিকিৎসা গ্ৰহণ কৰি আছে।
নিজৰ টুইটাৰত পাইলটে লিখিছে,’’মই কৰ’না পজিটিভ। যোৱা কেইদিন ধৰি যিসকলে মোৰ সংস্পৰ্শলৈ আহিছে, অনুগ্ৰহ কৰি নিজৰ কৰ’না টেষ্ট কৰি ল’ব। চিকিৎসকৰ পৰামৰ্শ মানি চলিছো। আশা কৰো শীঘ্ৰেই সুস্থ হৈ উঠিম।‘’
I have tested positive for Covid 19.
Anyone who may have come in contact with me over the last few day, please get yourselves tested.
Am taking appropriate doctoral advice. Hope to recover soon.
— Sachin Pilot (@SachinPilot) November 12, 2020
পাইলটৰ টুইটৰ পাছতে তেওঁৰ অনুৰাগীসকলে চিন্তিত হৈ পৰে। দেশৰ বিভিন্ন প্ৰান্তৰ পৰা তেওঁৰ আশু আৰোগ্য কামনা কৰি টুইট কৰে।
উল্লেখ্য যে ইয়াৰ পূৰ্বেও দেশৰ বহু আগশাৰীৰ নেতা মাৰাত্মক কৰ’না ভাইৰাছৰ দ্বাৰা আক্ৰান্ত হৈছে।
কেন্দ্ৰীয় গৃহমন্ত্ৰী অমিত শ্বাহ, পেট্ৰ’লিয়াম মন্ত্ৰী ধৰ্মেন্দ্ৰ প্ৰধানকে আৰম্ভ কৰি কেইবাগৰাকীও কেন্দ্ৰীয় মন্ত্ৰী আক্ৰান্ত হৈছে।
অসমৰ প্ৰাক্তন মুখ্য মন্ত্ৰী তথা জ্যেষ্ঠ কংগ্ৰেছ নেতা তৰুণ গগৈও কৰ’নাত আক্ৰান্ত হৈ বৰ্তমান চিকিৎসাধীন হৈ আছে।