কেইখনমান জিলাত কিয় স্থাপন কৰা নহ’ল টেটৰ পৰীক্ষা কেন্দ্ৰ? চৰকাৰক উভতি ধৰিলে কংগ্ৰেছে
হাজোৰ ৰাজীৱ ভৱনত অনুষ্ঠিত সংবাদ মেলখন সম্বোধন কৰে প্ৰদেশ কংগ্ৰেছৰ কাৰ্যকৰী সভাপতি জাকিৰ হুছেইন চিকদাৰে ।
সংবাদ মেলখনত চৰকাৰে অনুষ্ঠিত কৰিব ওলোৱা টেট্ পৰীক্ষাক লৈ ৰাজনীতিৰ কৰিছে বুলি চিকদাৰে মন্তব্য কৰে ।
এই পৰীক্ষা অনুষ্ঠিত কৰাৰ বাবে কেইখনমান জিলাত কিয় কেন্দ্ৰ স্হাপন নকৰিলে তাক লৈও অসম চৰকাৰৰ মুখ্যমন্ত্ৰী আৰু শিক্ষা মন্ত্ৰী গৰাকীক চিকদাৰে প্ৰশ্ন কৰে ।
ছাত্র-ছাত্ৰীক লৈ এইখন চৰকাৰে হেতালি খেলা বুলিও কয় ।
ইপিনে চৰকাৰে লোৱা এই হঠকাৰী সিদ্ধান্ত শীঘ্ৰে বাতিল কৰিব লাগিব বুলিও হুংকাৰ দিয়ে কাৰ্যকৰী সভাপতি গৰাকীয়ে ।
এ আই ইউ ডি এফৰ বাহিৰে প্ৰতিটো মহাজোঁটত থকা দলক লৈ উপ-নিৰ্বাচনত কংগ্ৰেছ দলে অৱতীৰ্ণ হব বুলি কয়।
ৰূপজ্যোতি কুৰ্মী অসমৰ কলা-সংস্কৃতি নাজানে বুলিও তীৰ্যক মন্তব্য কৰে চিকদাৰে ।
ইফালে কংগ্ৰেছৰ ডুবন্ত নাওঁত অখিল গগৈয়ে উঠিবলৈ চেষ্টা কৰি আছে বুলিও গগৈক তুলাধনা দিয়ে চিকদাৰে ।