শিৱসাগৰত আজিৰে পৰা কংগ্ৰেছৰ ‘অসম বচাও আহক’ যাত্ৰা
শিৱসাগৰৰ ঐতিহাসিক বৰপুখুৰী পাৰত অৱস্থিত শ্বহীদ পিয়লী ফুকন সমাধিক্ষেত্ৰৰ পৰা আজি কংগ্ৰেছে অসম বচাও আহক যাত্ৰাৰ আৰম্ভ কৰে।
এই ‘অসম বচাও আহক’ যাত্ৰাত অংশ গ্ৰহণ কৰে নিখিল ভাৰত কংগ্ৰেছ কমিটিৰ সাধাৰণ সম্পাদক জীতেন্দ্ৰ সিঙৰ লগতে প্ৰদেশ কংগ্ৰেছৰ সভাপতি ৰিপুন বৰা, বিৰোধী দলৰ দলপতি দেৱব্ৰত শইকীয়াকে ধৰি বহুসংখ্যক কংগ্ৰেছৰ নেতা-কৰ্মীয়ে।
শিৱসাগৰৰ বৰপুখুৰীৰ পৰা গড়গাঁৱৰ কাৰেং ঘৰলৈ এই যাত্ৰা কৰা হয়।
অনুষ্ঠানত শিৱসাগৰৰ বহু কেইগৰাকী মুক্তি যুজাৰুক সম্বৰ্দ্ধনা জনায় নিখিল ভাৰত কংগ্ৰেছৰ সম্পাদক গৰাকীয়ে।
উল্লেখ যোগ্য যে, ১৪ ফেব্ৰুৱাৰীত কংগ্ৰেছৰ যুৱ নেতা ৰাহুল গান্ধী শিৱসাগৰ ভ্ৰমণলৈ আহিব।
শিৱসাগৰৰ ঐতিহাসিক বৰ্ডিং খেল পথাৰত অনুষ্ঠিত হ’বলগীয়া এখন জনসভাত অংশগ্ৰহণ কৰিব ৰাহুল গান্ধীয়ে।
উল্লেখযোগ্য যে, শিৱসাগৰত কংগ্ৰেছ, বিজেপি দুয়োটা ৰাজনৈতিক দলে নিজ নিজ দলৰ প্ৰচাৰ অভিযান তীব্ৰতৰ কৰি তুলিছে।
প্ৰধান মন্ত্ৰী নৰেন্দ্ৰ মোদীয়ে কিছুদিন পূৰ্বে শিৱসাগৰ ভ্ৰমণ কৰি ঐতিহাসিক জেৰেঙা পথাৰত জনসভাক সম্বোধন কৰিছিল।