দেশত নৰ সংহাৰী ক’ৰ’না ভাইৰাছে ব্যাপক ৰূপত সংক্ৰমণ ঘটি থকাৰ সময়তে ভাৰতত ক’ৰ’না সংক্ৰমণৰ ১০ টা অভিকেন্দ্ৰ চিনাক্ত কৰা হৈছে।
ইতিমধ্যে দিল্লীৰ নিজামুদ্দিন মাৰ্কজত ক’ৰ’না সংক্ৰমণৰ সংখ্যাই প্ৰায় ১০০ জন স্পৰ্শ কৰিছে।
উল্লেখ্যে যে, নিজামুদ্দিন মাৰ্কজত অনুষ্ঠিত তবলিগী জামানত দেশ বিদেশৰ বহু হাজাৰ লোকে অংশগ্ৰহণ কৰাৰ পিছত তাতে ১৫০০ ৰো অধিক লোক আৱদ্ধ হৈ আছিল।
কেন্দ্ৰীয় স্বাস্থ্য মন্ত্ৰালয়ে প্ৰকাশ কৰিছে যোৱা মঙ্গলবাৰে সৰ্বাধিক ১৪৬ জন লোক আক্ৰান্ত হৈছে।
এতিয়ালৈকে দেশত ১৭৩০ ৰো অধিক লোক আক্ৰান্ত হৈছে। ইয়াৰে ৫১ জন আক্ৰান্তৰ মৃত্যু হোৱাৰ বিপৰীতে ১২৪ জন লোক সুস্থ হৈছে।
এনে সময়েত চৰকাৰে দেশত ক’ৰ’না ভাইৰাছ সংক্ৰমণৰ ১০ টা হট স্পট চিনাক্ত কৰিছে।
সেই ১০ টা স্থান হৈছে ক্ৰমে—
১. দিলশ্বাদ গাৰ্ডেন,
২. নিজামুদ্দিন,
৩. নয়ডা,
৪. মীৰাট,
৫. ভীলৱাৰা,
৬. আহমেদাবাদ,
৭. কাচাৰগ’ড়,
৮. পঠানমিট্টা,
৯. মুম্বাই আৰু
১০. পুনে
নিজামুদ্দিন মাৰ্কাজ মচজিদৰ পৰা দেশৰ বিভিন্ন প্ৰান্তত ক’ৰ’না ভাইৰাছ সংক্ৰমণ সম্প্ৰসাৰণৰ ঘটাৰ সম্বাৱনাই দেখা দিছে।
নিজামুদ্দিনত অংশগ্ৰহণ কৰা অসমৰ ৪ জন লোকৰ শৰীৰত ক’ৰ’না ভাইৰাছৰ উপস্থিতি নিশ্চিত কৰিছে গুৱাহাটী চিকিৎসা মহাবিদ্যালয় আৰু হাস্পতালে।
