আৰু এজন ব্যক্তি শনিবাৰে অসমত ক’ভিড-১৯ মুক্ত হৈছে। ৰাজ্যত এই ৰোগৰ পৰা সুস্থ হোৱা লোকৰ সংখ্যা ১২ গৰাকীলৈ বৃদ্ধি পাইছে।
চাজিবুৰ ৰহমান নামৰ এই ব্যক্তিজনক শিলচৰ চিকিৎসা মহাবিদ্যালয় আৰু চিকিৎসালয়ৰ পৰা ঘৰলৈ যাবলৈ দিয়া হৈছে।
শেহতীয়া তিনিটা পৰীক্ষাত তেওঁক ক’ভিড-১৯ নিগেটিভ পোৱা গৈছিল।
স্বাস্থ্য মন্ত্ৰী হিমন্ত বিশ্ব শৰ্মাই এই তথ্য সদৰী কৰিছে।
Good news!
One more #COVID patient – Sajibur Rahman is discharged from Silchar Medical College & Hospital after 3 successive tests reported as negative. He is being sent for home quarantine.
Total cured patients – 12#AssamCares @Pijush_hazarika @drrajdeeproy @ParimalSuklaba1 pic.twitter.com/Ns5ibtuw2s— Himanta Biswa Sarma (@himantabiswa) April 18, 2020
ইয়াৰ পূৰ্বে একেদিনাই গুৱাহাটীৰ মহেন্দ্ৰ মোহন চৌধুৰী চিকিৎসালয়ত চিকিৎসাধীন দুজনক ক’ভিড-১৯ মুক্ত বুলি ঘোষণা কৰা হৈছিল।
মঃ আৰ্শ্বাদ আৰু মঃ ৰিজুৱান নামৰ ব্যক্তি দুজন উত্তৰ প্ৰদেশৰ হোৱা বাবে তেওঁলোকক চিকিৎসালয়ৰ ওপৰৰে এটা কোঠাত থকাৰ ব্যৱস্থা কৰা হৈছে।
শুকুৰবাৰে গোলাঘাটত ক’ভিড-১৯ৰ পৰা আৰোগ্য লাভ কৰা চাৰিগৰাকী ব্যক্তিক চিকিৎসালয়ৰ পৰা যাবলৈ দিয়া হৈছিল।
তাৰ পূৰ্বে সোণাপুৰ অসামৰিক চিকিৎসালয়ৰ পৰা দুগৰাকী আৰু গোৱালপাৰা অসামৰিক চিকিৎসালয়ৰ পৰা তিনিজন সুস্থ ব্যক্তিক যাবলৈ দিয়া হৈছিল।
আনহাতে, অসমত ক’ভিড-১৯ আক্ৰান্ত এজন ব্যক্তিৰ চিকিৎসাধীন অৱস্থাত মৃত্যু ঘটিছে।
