ৰাজ্যত অপ্ৰতিৰোধ্য ক’ৰ’না; ৭০০ অতিক্ৰম কৰিলে আক্ৰান্ত ৰোগীৰ সংখ্যাই
ৰাজ্যত ৭০৪ গৰাকীলৈ বৃদ্ধি পালে ক’ৰ’না আক্ৰান্ত ৰোগীৰ সংখ্যা।
কিছু সময় পূৰ্বে পুনৰ ১৮ গৰাকী লোকৰ দেহত ধৰা পৰিছে মাৰাত্মক ক’ৰ’না ভাইৰাছৰ উপস্থিতি।
আক্ৰান্ত সকলৰ এগৰাকী কামৰূপ মেট্ৰ’ৰ প্ৰথমগৰাকী বিমান যাত্ৰী, তেওঁ আহমেদাবাদৰ পৰা গুৱাহাটীত পৰহি আহি উপস্থিত হৈছিল। বাকী ১৪ গৰাকী গোলাঘাট, দুগৰাকী কাৰ্বি আংলং আৰু এগৰাকী লখিমপুৰৰ।
টুইটাৰযোগে এই কথা উল্লেখ কৰিছে স্বাস্থ্য মন্ত্ৰী ড০ হিমন্ত বিশ্ব শৰ্মাই।
আনহাতে আজি ৰাতিপুৱাৰ ভাগত ৪ গৰাকীৰ দেহত ধৰা পৰিছি এই মাৰাত্মক ভাইৰাছৰ উপস্থিতি। আক্ৰান্ত সকলৰ ৩ গৰাকী নগাঁও আৰু এগৰাকী ধেমাজিৰ।
কালিৰ দিনটোত ১৩৪ গৰাকী লোক আক্ৰান্ত হৈছিল।
বৰ্তমান ৬৩৫ গৰাকী লোক এই ক’ৰ’না ভাইৰাছত আক্ৰান্ত হৈ চিকিৎসাধীন হৈ আছে তাৰ বিপৰীতে ৬২ জনক চিকিৎসালয়ৰ পৰা মুক্তি দিয়া হৈছে।
এতিয়ালৈ চাৰিগৰাকী মৃত্যু মুখত পৰিছে।
উল্লেখযোগ্য যে, যোৱা ২৫ মে ত ৰাজ্যত ১৫৬ গৰাকী লোক কোভিড-১৯ পজিটিভত আক্ৰান্ত হৈছিল।
যোৱা ২৪ মে’ত ৩২ গৰাকী লোক ক’ৰ’ণাত আক্ৰান্ত হৈছিল।
যোৱা ২৩ মে দিনা ৮৭ গৰাকীকৈ লোকৰ দেহত ক’ৰ’নাৰ উপস্থিতি পোৱা গৈছিল।
২২ মে” ৰ দিনা ২২ গৰাকীকৈ লোক আক্ৰান্ত হৈছে ক’ভিড-১৯ ত।
ৰাজ্যত এসপ্তাহৰ ভিতৰত চাৰি শতাধিক লোক ক’ভিড-১৯ ত আক্ৰান্ত হৈছে।
যোৱা ২০ মেত ৩১ গৰাকীকৈ লোক এই ক’ভিড-১৯ ভাইৰাছৰ সংক্ৰমণ হৈছে।
ইয়াৰ উপৰি, যোৱা ১৯ মে ত ৪২ গৰাকীকৈ লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল।
উল্লেখযোগ্য যে, যোৱা ১৩ মে’ ৰ পৰা আজিলৈকে মুঠ ৬৩১ গৰাকী লোক আক্ৰান্ত হৈছে এই মাৰাত্মক ক’ভিড-১৯ত