অসমত ১০০লৈ বৃদ্ধি ক’ভিড-১৯ আক্ৰান্ত, আৰু তিনিজনক চিনাক্ত
আৰু তিনিজন ব্যক্তি দেওবাৰে সন্ধিয়া গুৱাহাটীত ক’ভিড-১৯ পজিটিভ চিনাক্ত হৈছে।
ইয়াকে লৈ অসমত মুঠ ক’ভিড-১৯ আক্ৰান্তৰ সংখ্যা ১০০ জনলৈ বৃদ্ধি পাইছে।
গুৱাহাটীত শেহতীয়াকৈ চিনাক্ত ক’ভিড-১৯ আক্ৰান্তকেইজনৰ দুজন মুম্বাই আৰু এজন বিহাৰৰ পৰা অসমলৈ আহিছিল।
আটাইকেইগৰাকী আক্ৰান্তকে সৰুসজাই কুৱাৰেণ্টিন কেন্দ্ৰত ৰখা হৈছিল।
স্বাস্থ্য মন্ত্ৰী হিমন্ত বিশ্ব শৰ্মাই এই তথ্য সদৰী কৰিছে।
তিনিওগৰাকী ৰোগীকে চিকিৎসাৰ বাবে গুৱাহাটীৰ মহেন্দ্ৰ মোহন চৌধুৰী হস্পিটেলত ভৰ্তি কৰোৱা হৈছে বুলি জানিব পৰা গৈছে।
Alert ~ Three persons are tested #COVID19 + in Guwahati. Two of them came from Mumbai while one arrived from Bihar. All 3 are in Sarusajai quarantine centre
↗️Total cases 100
↗️Recovered 41
↗️Active cases 55
↗️Deaths 2
↗️Migrated 2Update 9.45 pm / May 17#AssamCovidCount pic.twitter.com/bND8maS95C
— Himanta Biswa Sarma (@himantabiswa) May 17, 2020
দেওবাৰেই আৰু এজন ব্যক্তি অসমত ক’ভিড-১৯ পজিটিভ চিনাক্ত হৈছে।
ব্যক্তিজনৰ ঘৰ কাছাৰ জিলাত, বয়স ২৮ বছৰ।
তেওঁ বৰ্তমান শিলচৰ চিকিৎসা মহাবিদ্যালয় আৰু চিকিৎসালয়ত চিকিৎসাধীন হৈ আছে।
তেওঁ শনিবাৰে চেন্নাইৰ পৰা আহি শিলচৰত উপস্থিত হৈছিল।
যোৱা ২৪ ঘণ্টাত অসমত এটি শিশুকে ধৰি ছয়জন লোক ক’ভিড-১৯ পজিটিভ চিনাক্ত হৈছে।
শিশুটি দিল্লীৰ পৰা কিছুদিন পূৰ্বে যোৰহাটলৈ উভতি আহিছিল। যোৰহাট চিকিৎসা মহাবিদ্যালয় আৰু হস্পিটেলত তেওঁৰ চিকিৎসা চলি হৈছে।
অসমত ক’ভিড-১৯ আক্ৰান্ত দুগৰাকীৰ মৃত্যু আৰু দুজন স্থানান্তৰিত হোৱাৰ বিপৰীতে আৰোগ্য লাভ কৰিছে ৪১ গৰাকী লোকে।
ৰাজ্যত বৰ্তমান সক্ৰিয় ক’ভিড-১৯ ৰোগীৰ সংখ্যা ৫৫ গৰাকী।