নতুন ৮৯ৰ সৈতে এহেজাৰৰ সীমা অতিক্ৰম অসমৰ ক’ভিড-১৯ আক্ৰান্তৰ

নতুন ৮৯গৰাকী ক’ভিড-১৯ পজিটিভৰ সৈতে শুকুৰবাৰে অসমত মুঠ আক্ৰান্তৰ সংখ্যাই এহেজাৰৰ সীমা অতিক্ৰম কৰিছে।

অসমত বৰ্তমান মুঠ ক’ভিড-১৯ পজিটিভ চিনাক্ত ব্যক্তিৰ সংখ্যা হৈছে ১০২৪। সক্ৰিয় ৰোগীৰ সংখ্যা হৈছে ৮৯২গৰাকী।

শুকুৰবাৰৰ দিনটোত এতিয়ালৈকে চিনাক্ত হৈছে ১৪৪গৰাকী ক’ভিড-১৯ পজিটিভ ব্যক্তি।

নতুনকৈ আক্ৰান্তসকলৰ মাজত আছে কামৰূপৰ ৩০, তিনিচুকীয়াৰ ১৭, ধুবুৰীৰ ১৪, কাছাৰৰ দহ আৰু ধেমাজিৰ চাৰিগৰাকী।

এতিয়ালৈ চাৰিগৰাকী ব্যক্তি মৃত্যু মুখত পৰাৰ বিপৰীতে ১২৫ জনক চিকিৎসালয়ৰ পৰা মুক্তি দিয়া হৈছে ৷

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য প্ৰকাশ কৰিছে।

?Alert ~ 89 new cases of #COVID19+

আজিৰ দিনটোত কিছু সময়ৰ পূৰ্বে ২৫ গৰাকী লোক আক্ৰান্ত হৈছিল ক’ৰ’ণাত। আক্ৰান্ত সকলৰ ১১ গৰাকী কামৰূপ মেট্ৰৰ, ৮ গৰাকী হোজাই, আৰু ৬ গৰাকী বিমানত অহা লোক।

তাৰ ঠিক কিছুসময় পূৰ্বে ৩০ গৰাকী লোকৰ দেহত ধৰা পৰিছিল মাৰাত্মক ক’ৰ’ণা ভাইৰাছ। আক্ৰান্ত সকলৰ ১৬ গৰাকী গোলাঘাট, ৬ গৰাকী কৰিমগঞ্জ, দুগৰাকী লখিমপুৰ, দুগৰাকী কাছাৰ, দুগৰাকী হাইলাকান্দি, দুগৰাকী কাৰ্বি আংলং।

কালিৰ দিনটোত ৰাজ্যত ৯৭ গৰাকী লোক আক্ৰান্ত হৈছে ক’ৰ’ণা ভাইৰাছত।

যোৱা ২৭ মেত ১০১ গৰাকী লোক ক’ৰ’ণাত আক্ৰান্ত হৈছিল।

যোৱা ২৬ মেত ১৩৪ গৰাকী লোক ক’ৰ’ণাত আক্ৰান্ত হৈছিল।

উল্লেখযোগ্য যে, যোৱা ২৫ মেত ৰাজ্যত ১৫৬  গৰাকী লোক কোভিড-১৯ পজিটিভ ত আক্ৰান্ত হৈছিল।

যোৱা ২৪ মে’ত ৩২ গৰাকী লোক ক’ৰ’ণাত আক্ৰান্ত হৈছিল।

যোৱা ২৩ মে দিনা ৮৭ গৰাকীকৈ লোকৰ দেহত ক’ৰ’ণাৰ উপস্থিতি পোৱা গৈছিল।

২২ মে” ৰ দিনা ২২ গৰাকীকৈ লোক আক্ৰান্ত হৈছে কোভিড-১৯ ত।

ৰাজ্যত এসপ্তাহৰ ভিতৰত ছয় শতাধিক  লোক  কোভিড-১৯ ত আক্ৰান্ত হৈছে।

যোৱা ২০ মেত ৩১ গৰাকীকৈ লোক এই কোভিড-১৯ ভাইৰাছৰ সংক্ৰমণ হৈছে।

ইয়াৰোপৰি, যোৱা ১৯ মে ত ৪২ গৰাকীকৈ লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল।

উল্লেখযোগ্য যে, যোৱা ১৩ মে’ ৰ পৰা আজিলৈকে মুঠ ৯৪৯ গৰাকী লোক আক্ৰান্ত হৈছে এই মাৰাত্মক কোভিড-১৯ত।