৫০০০ৰ দিশে অসমত ক’ভিড আক্ৰান্ত, নতুনকৈ চিনাক্ত ৮৪

৮৪গৰাকী নতুনকৈ চিনাক্ত ক’ভিড-১৯ পজিটিভ ব্যক্তিৰ সৈতে অসমত বৃ্হস্পতিবাৰে মুঠ আক্ৰান্ত ৪৮৬১লৈ বৃদ্ধি পাইছে।

আক্ৰান্তসকলৰ ভিতৰত আছে ২৫ গৰাকী মিছামাৰী মিলিটেৰী কেম্পৰ, ১৬ গৰাকী কামৰূপ (মেট্ৰো), হাইলাকান্দিৰ ১৪ গৰাকী, কৰিমগঞ্জৰ ১৩ গৰাকী, তেজপুৰৰ আঠগৰাকী, পাঁচগৰাকী নগাওঁ, দুগৰাকী লখিমপুৰ আৰু এগৰাকী গোলাঘাটৰ।

আজিৰ দিনটোত এইপৰ্য্যন্ত মুঠ ১৬৭গৰাকী লোক ক’ৰ’ণাত আক্ৰান্ত হৈছে।

অসমত ২৬৫৪জন ব্যক্তি এইপৰ্য্যন্ত আৰোগ্য হৈ উঠিছে। বৰ্তমান সক্ৰিয় ৰোগীৰ সংখ্যা হৈছে ২১৯৫জন।

অসমত কোভিড-১৯ৰ ফলত এতিয়ালৈকে ৯গৰাকী লোকৰ মৃত্যু ঘটিছে।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য প্ৰকাশ কৰিছে।

কিছু সময় পূৰ্বে ৮২ গৰাকী লোকৰ দেহত ধৰা পৰিছিল কোভিড-১৯ পজিটিভ।

আক্ৰান্ত সকলৰ ভিতৰত বাক্সাৰ ২২ গৰাকী, ১৪ কাৰ্বি আংলং, ১১ গৰাকী চিৰাং, ৮ গৰাকী ডিব্ৰুগড়, ৭ গৰাকী ধুবুৰীৰ, ৫ গৰাকী গোলাঘাটৰ, ২ গৰাকী শিৱসাগৰৰ, ২ গৰাকী নগাঁৱৰ, ২ গৰাকী বৰপেটাৰ, কামৰূপ মেট্ৰৰ ২ গৰাকী, কোকৰাঝাৰ, বিশ্বনাথ, নলবাৰী, চৰাইদেউ, তিনিচুকীয়া আৰু ধেমাজিৰ এগৰাকীকৈ লোক আক্ৰান্ত হৈছিল।

উল্লেখ্য যে বুধবাৰৰ দিনটোত সৰ্বমুঠ ১৮৪ গৰাকী লোক ক’ৰ’নাত আক্ৰান্ত হৈছিল।

মঙলবাৰৰ দিনটোত মুঠ ২০১ গৰাকী লোক ৰাজ্যত ক’ৰ’ণাত আক্ৰান্ত হৈছে।

সোমবাৰৰ দিনা অসমত মুঠ ১৯১জন ব্যক্তিৰ কোভিড-১৯ পজিটিভ ধৰা পৰিছিল।

সেইদৰে, ৰাজ্যখনত দেওবাৰে নিশা ৬৯জন লোকৰ দেহত কোভিড-১৯ পজিটিভ ধৰা পৰিছিল।

এই কোভিড-১৯ পজিটিভ চিনাক্ত হোৱা ৬৯জন ব্যক্তিৰ ভিতৰত আছিল নগাঁৱৰ ১৬জন, ধুবুৰীৰ ১৫জন, কামৰূপৰ ১২জন, যোৰহাটৰ ১০জন, ধেমাজিৰ ৬জন, ওদালগুৰিৰ ৪জন, কামৰূপ গ্ৰাম্যৰ ৩জন আৰু বৰপেটাৰ ৩জন লোক।

তদুপৰি, দেওবাৰে দিনৰ ভাগতো ৰাজ্যখনত আন ১০৬জন কোভিড-১৯ পজিটিভ ব্যক্তি চিনাক্ত হৈছিল।

এই চিনাক্ত ব্যক্তিসকলৰ মাজত নগাঁৱৰ ৩২, কামৰূপৰ ২৮, দৰঙৰ ১৩, বৰপেটাৰ দহ, কৰিমগঞ্জৰ তিনি, লখিমপুৰৰ দুই আৰু ধেমাজি আৰু কাছাৰৰ এজনকৈ ব্যক্তি আছিল।

দেওবাৰৰ দিনটোত মুঠতে ২১৮ জন কোভিড-১৯ পজিটিভ ৰোগী চিনাক্ত হৈছিল।