গোলাঘাটত ভয়ংকৰভাৱে বৃদ্ধি পাইছে কোভিড মৃত্যুৰ সংখার। আজি দিনটোৰ ভিতৰত ৪২ জনলৈ বৃদ্ধি পালে মৃত্যুৰ সংখ্যা।
একেদৰে আক্ৰান্তৰ সংখ্যাও বৃদ্ধি হৈ ৩৮১৪ গৰাকী হৈছে। আজি দিনটোত নতুনকৈ ১৭৭ জন কোভিড ৰোগী চিনাক্ত হৈছে।
এই পৰ্যন্ত জিলাখনত ১১২৮ জন ৰোগী সক্ৰিয় হৈ আছে। ইয়াৰে ৫৩১জনক হ’ম আইছলেশ্যনত ৰখাৰ লগতে ২০২ জনক চিকিৎসালয়ত আৰু ৩৯৫ জনক কোভিড কেয়াৰ চেন্টাৰত চিকিৎসা প্ৰদান কৰি থকা হৈছে।
ইফালে আজি চিনাক্ত হোৱা ১৭৭ জনৰ ভিতৰত ২৬ জন কমাৰবন্ধা, ৪০ জন বোকাখাত, ২৪ জন সৰুপথাৰ, ১৩ জন মিছামৰা, ২০ জন শ্বহীদ কুশল কোঁৱৰ কোভিড হাস্পাতাল, ২৩ জন চাৰিঙীয়া, ৩০ জন মৰঙী আৰু এজন ৱাৰ্ডত পোৱা গৈছে।
চৰকাৰী সূত্ৰে প্ৰকাশ পোৱা মতে ৫ জন লোক হৈছে— বগীৰাম বৰা(৫৫), ধৰ্মেশ্বৰ ৰাজখোৱা(৭০), সঞ্জয় ঠাকুৰ(৫৯), প্ৰীতি দাস(৬২) আৰু অশোক গোস্বামী(৫৮)।
ইয়াৰে এজন গোলাঘাট কুশল কোঁৱৰ কোভিড হাস্পাতালত মৃত্যু হোৱাৰ লগতে বাকী চাৰিজন যোৰহাট মেডিকেল কলেজ হাস্পাতালত মৃত্যু হয়।
