ৰাজ্যত আজি কোভিডত আক্ৰান্ত হ’ল কিমান লোক? মৃত্যু হ’ল কিমান জনৰ?
ৰাজ্যখনত আজি কোভিডৰ সংক্ৰমণৰ হাৰ কালিতকৈও হ্ৰাস পোৱা পৰিলক্ষিত হৈছে।
আজিৰ দিনটোতো অসমত কোভিডত আক্ৰান্তৰ হাৰ ১ শতাংশৰ তলতে আছে।
আজি ৰাজ্যত সৰ্বমুঠ ৩৭,৮৩৬ টা কোভিড পৰীক্ষা সম্পন্ন কৰা হয় আৰু ইয়াৰে ২৪৪ গৰাকী ব্যক্তিৰ শৰীৰত কোভিড সংক্ৰমণ ধৰা পৰিছে।
Summary of 27/10/2021
Today’s Total 244
Overall Positivity Percentage (244 cases out of 37,836 test done = 0.64%)
Kamrup(M) 75
Death 6
Recovery Rate 98.39%
— Himanta Biswa Sarma (@himantabiswa) October 27, 2021
আনহাতে, আজি কোভিড সংক্ৰমণৰ হাৰ হৈছে ০.৬৪ শতাংশ।
কামৰূপ মেট্ৰ’ত আজি কোভিডত আক্ৰান্ত লোকৰ সংখ্যা হৈছে ৭৫ গৰাকী।
আজি ৰাজ্যত ৬জন ব্যক্তিৰ কোভিড সংক্ৰমণৰ ফলত মৃত্যু হয়।
ৰাজ্যত কোভিডত সুস্থ হোৱা ৰোগীৰ হাৰ হৈছে ৯৩.৩৯ শতাংশ।
ইপিনে মুখ্যমন্ত্ৰী হিমন্ত বিশ্ব শৰ্মাই অসমত পুনৰ লকডাউনৰ সম্ভাৱনা একপ্ৰকাৰ নুই কৰিছে।
তেওঁ মাথো সকলোকে ভেকচিন গ্ৰহণ কৰিবলৈ আহ্বান জনাইছে।
ৰাজ্য চৰকাৰে শেহতীয়াকৈ ঘোষণা কৰা কোভিড SOP অনুসৰি নিশা ১০ বজালৈ খোলা ৰাখিব পৰা যাব দোকান-পোহাৰ।
নিশা ১১ বজাৰ পৰা পুৱা ৫ বজালৈ সান্ধ্যআইনৰ সময় ৰাজ্য চৰকাৰে নিৰ্ধাৰণ কৰিছে। একেদৰে মৃতকৰ অন্ত্যেষ্টিক্ৰিয়াত উপস্থিত থাকিব পাৰিব সৰ্বাধিক ১০০ জন লোক।
ইপিনে দেশৰ বহু ৰাজ্যত কোভিড পৰিস্থিতিৰ পুনৰ অৱনতি ঘটিছে।
পুডুচেৰীত লকডাউন ঘোষণা কৰাৰ লগতে পশ্চিমবংগতো আজি কেইবাটাও অঞ্চল পুনৰ কণ্টেইমেন জ’ন হিচাবে ঘোষণা কৰা হৈছে।
কৰ্ণাটকত কোভিডৰ সন্দেহযুক্ত নতুন প্ৰজাতিত দুজন লোক আক্ৰান্ত হোৱাৰ বাতৰি আহিছে।