ৰাজ্যত উদ্বেগজনকভাৱে বৃদ্ধি পাইছে কোভিড-১৯ৰ দৈনিক সংক্ৰমণ। সেইদৰে , মাত্ৰ তিনিদিন পূৰ্বে ১শতাংশৰ তলত থকা পজিটিভিটিৰ হাৰো হঠাতে ৩ শতাংশ অতিক্ৰম কৰিলে।
ৰাজ্যখনত বিগত ২৪ ঘন্টাত মুঠ ১১৬৭ গৰাকী লোক কোভিড-১৯ত আক্ৰান্ত হৈছে।
ইপিনে, যোৱা ২৪ ঘন্টাত অকল কামৰূপ মহানগৰ জিলাতে আক্ৰান্ত হৈছে ৫১৭ গৰাকী লোক।
বিগত ২৪ ঘন্টাত ৰাজ্যখনত মুঠ ৩৫, ১২৭ গৰাকী লোকৰ কোভিড টেষ্ট কৰা হৈছিল।
আনহাতে, আজিৰ দিনটোত ৰাজ্যখনত কোভিড-১৯ত আক্ৰান্ত হৈ ২জন লোকৰ মৃত্যু হৈছে।
ৰাজ্যত বৰ্তমান কোভিড পজিটিভিটিৰ হাৰ হৈছে ৩.৩২ শতাংশ। সেইদৰে, সুস্থতাৰ হাৰ হৈছে ৯৮.২২ শতাংশ।
Summary of 07/01/2022
Today’s Total 1167
Overall Positivity Percentage (1167 cases out of 35,127 test done = 3.32%)
Kamrup(M) 517
Death 2
Recovery Rate 98.22%
— Himanta Biswa Sarma (@himantabiswa) January 7, 2022
উল্লেখ্য যে আজি ৰাজ্যত সৰ্বমুঠ নজনকৈ লোক অ’মিক্ৰনত আক্ৰান্ত হোৱাৰ কথা পোহৰলৈ আহে।
আজি মুখ্যমন্ত্ৰী হিমন্ত বিশ্ব শৰ্মাই জনতা ভৱনত সম্বোধন কৰা সংবাদমেলত নতুন কোভিড বিধি ঘোষণা কৰে। সেই অনুসৰি ৰাজ্যত কাইলৈৰ পৰা নিশা ১০ বজা-পুৱা ৬ বজালৈ সান্ধ্য আইন জাৰি কৰা হৈছে। বিদ্যালয় আদি বন্ধ ৰখাৰ ক্ষেত্ৰতো নতুন কোভিধ বিধিত কেইবাটাও নিৰ্দেশনা দিয়া হৈছে।
