অসমত ১৮৪৯ নতুন ক’ভিড আৰোগ্য; সক্ৰিয় ৰোগী ২৯,১৮০
১৮৪৯গৰাকী ব্যক্তিয়ে অসমত ক’ভিড১৯ৰ পৰা আৰোগ্য হৈ মঙলবাৰে চিকিৎসালয় এৰিছে।
এইসকলক ধৰি অসমত ক’ভিডৰ পৰা আৰোগ্য মুঠ ব্যক্তিৰ সংখ্যা ১,১৬,৯০০লৈ বৃদ্ধি পাইছে।
অসমত বৰ্তমান সক্ৰিয় ক’ভিড ৰোগীৰ সংখ্যা হৈছে ২৯,১৮০ (।)
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
আনহাতে ২৪০৯গৰাকী ব্যক্তি অসমত মঙলবাৰে ক’ভিড১৯ পজিটিভ চিনাক্ত হৈছে।
টেষ্টৰ তুলনাত পজিটিভৰ হাৰ হৈছে ৭.৩৫ শতাংশ।
যোৱা ২৪ ঘণ্টাত ৩২,৭৭০টা টেষ্টত এইসকল ব্যক্তিক পজিটিভ পোৱা গৈছে।
পজিটিভ চিনাক্তসকলৰ ভিতৰত আছে কামৰূপ মহানগৰৰ ৬৩৩, ডিব্ৰুগড়ৰ ২০১, যোৰহাটৰ ১৭২ আৰু লখিমপুৰৰ ১২০গৰাকী ব্যক্তি।
এইসকলক ধৰি অসমত এতিয়ালৈকে চিনাক্ত মুঠ ক’ভিড পজিটিভ লোকৰ সংখ্যা ১,৪৬,৫৭৫লৈ বৃদ্ধি পাইছে।
ইয়াৰে তিনিগৰাকী আন ঠাইলৈ স্থানান্তৰিত হৈছে।
? Discharge Alert
1⃣8⃣4⃣9⃣ patients discharged today.
I request all recovered patients to take care of their health properly. Best wishes to them and their families ?
?Total Discharged Patients: 116900
?Active Patients: 2918010 PM/Sept 15#AssamFightsCovid pic.twitter.com/Oyt7q1HHjQ
— Himanta Biswa Sarma (@himantabiswa) September 15, 2020
ইপিনে আৰু দহগৰাকী ৰোগীৰ মৃত্যুৰ সৈতে অসমত ক’ভিডত প্ৰাণ হেৰুওৱা লোকৰ সংখ্যা মঙলবাৰলৈকে ৪৯২লৈ বৃদ্ধি পাইছে।