কাজিৰঙা ৰাষ্ট্ৰীয় উদ্যানৰ ব্ৰহ্মপুত্ৰৰ চাপৰিত ঘৰিয়াল: বন্যপ্ৰাণী গৱেষকৰ মাজত চাঞ্চল্য

বিশ্ব বন্যপ্ৰাণী দিৱসৰ দিনাই ব্ৰহ্মপুত্ৰত ঘৰিয়ালৰ সন্ধান পোৱা গৈছে ৷ কাজিৰঙা ৰাষ্ট্ৰীয় উদ্যানৰ ষষ্ঠ সংযোজন এলেকাৰ শিলঘাটৰ এটা চাপৰিত দেখিবলৈ পোৱা গৈছে ঘৰিয়াল ৷

কাজিৰঙা ৰাষ্ট্ৰীয় উদ্যান আৰু ব্যাঘ্ৰ সংৰক্ষিত বনাঞ্চল কৰ্তৃপক্ষ আৰু বিশ্ব প্ৰকৃতি নিধিৰ যৌথ উদ্যোগত ব্ৰহ্মপুত্ৰৰ চাপৰিত চলাই থকা এক জৰীপৰ সময়ত পোৱা গৈছে ঘৰিয়ালৰ তথ্য ৷

জৰীপ দলৰ জ্যেষ্ঠ সদস্য বিশ্ব প্ৰকৃতি নিধিৰ সমন্বয়ক ত্ৰিদীপ শৰ্মাৰ কেমেৰাত বন্দী হৈছে ব্ৰহ্মপুত্ৰৰ বালিত থকা এটা ঘৰিয়ালৰ ছবি ৷ ইয়াৰ আগতে কাজিৰঙাত ঘৰিয়াল দেখাৰ প্ৰামাণিক তথ্য পোৱা হোৱা নাছিল ৷

লগতে পঢ়ক: ”মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বৰ বিজেপি চৰকাৰখনে অসমীয়া জাতি সত্তাৰ ভেঁটি ধ্বংস কৰাত লাগি পৰিছে”-অজিত কুমাৰ ভূঞা

আজি বিশ্ব বন্যপ্ৰাণী দিৱসৰ দিনাই কাজিৰঙা ৰাষ্ট্ৰীয় উদ্যানত পোৱা এই ঘৰিয়ালৰ তথ্যই ইতিমধ্যেই দেশ জুৰি চাঞ্চল্যৰ সৃষ্টি কৰিছে ৷ ১৯৯৪ চনত ব্ৰহ্মপুত্ৰত ঘৰিয়াল পোৱাৰ এটা তথ্য আছিল যদিও ইয়াৰ কোনো চাক্ষুক প্ৰমাণ নাছিল ৷

ইয়াৰ সুদীৰ্ঘ সময়ৰ পিছত ব্ৰহ্মপুত্ৰ উপত্যকাত ঘৰিয়ালৰ অস্তিত্ব বিলুপ্ত হোৱা বুলি ভবা গৈছিল ৷ সেয়েহে সুদীৰ্ঘ সময়ৰ পিছত পোৱা ঘৰিয়ালৰ এই তথ্যই দেশজুৰি চাঞ্চল্যৰ সৃষ্টি কৰিছে ৷ দেশৰসমুহ বন্যপ্ৰাণী গৱেষকৰ মাজতো চৰ্চা লাভ কৰিছে ৷

লগতে পঢ়ক:ৰাছিয়াৰ আক্ৰমণত জ্বলি উঠিল ইউৰোপৰ সৰ্ববৃহৎ পাৰমাণৱিক শক্তি প্ৰকল্প

ইপিনে, কাজিৰঙাত শেহতীয়াকৈ আৰম্ভ হোৱা নদী পৰ্যটনকো ঘৰিয়ালৰ এই তথ্যই অন্য এক মাত্ৰ প্ৰদান কৰিছে ৷ গঁড়, ঢেকীয়াপতীয়া বাঘ, দল হৰিণ বা পৰিভ্ৰমী পক্ষীৰ পিছত এতিয়া ঘৰিয়ালো পৰ্যটকৰ আকৰ্ষণ হ’ব পাৰে বুলি ভবা হৈছে ৷