নিজৰ ১৪ জনকৈ ঘনিষ্ঠ বন্ধুক বিহ দি হত্যা কৰাৰ দোষত থাইলেণ্ডৰ আদালতে মৃত্যুদণ্ডেৰে দণ্ডিত কৰিছে এগৰাকী মহিলাক।
যোৱা বছৰত এটা ভ্ৰমণৰ সময়ত এজন বন্ধুৰ পানীয়ত বিহ মিহলাই হত্যা কৰিছিল মহিলাগৰাকীয়ে।
চাইনাড নামৰ এবিধ বিষাক্ত ৰসায়ন খাদ্যত মিহলাই দিছিল মহিলাগৰাকীয়ে।
জানিব পৰা মতে, ঘাতক মহিলাগৰাকীৰ নাম ছাৰাৰাট ৰংচিউথাপৰ্ণ। তেওঁৰ বয়স ৩৬ বছৰ বুলি জানিব পৰা গৈছে।
মৃত বন্ধুগৰাকীৰ আত্মীয়ই স্বাভাৱিকভাৱে তেওঁৰ মৃত্যু হোৱা বুলি মানি ল’বলৈ অস্বীকাৰ কৰিছিল আৰু মৰণোত্তৰ পৰীক্ষা কৰাইছিল। মৰণোত্তৰ পৰীক্ষাত তেওঁৰ শৰীৰত চাইনাইড নামৰ বিষাক্ত পদাৰ্থৰ অৱস্থিতি লাভ কৰে।
ইয়াৰ পিছতে তদন্ত আৰম্ভ কৰি আৰক্ষীয়ে ছাৰাৰাটক গ্ৰেপ্তাৰ কৰে। আৰক্ষীৰ তদন্তত ওলাই পৰে যে ২০১৫ চনৰ পৰাই মহিলাগৰাকীয়ে অনুৰূপ ধৰণে আন আন লোককো হত্যা কৰি আহিছে।
আৰক্ষীয়ে জনোৱা মতে, জুৱাৰ প্ৰতি আসক্তি অভিযুক্ত ছাৰাৰাট নামৰ মহিলাগৰাকীৰ। তেওঁ জুৱাত হাৰিলেই প্ৰতিপক্ষক চাইনাডে দি অচেতন কৰে আৰু তাৰ পিছত তেওঁলোকৰ ধন সোণ লুট কৰে।
আৰক্ষীয়ে জনোৱা মতে, ২০২৩ চনৰ এপ্ৰিল মাহত ছাৰাৰাটে তেওঁৰ বন্ধু ছিৰিপৰ্ণ খানৱং (৩২)ৰ সৈতে বেংককৰ পশ্চিমে থকা ৰাটচাবুৰী প্ৰদেশলৈ গৈছিল আৰু তাত তেওঁলোকে এখন নদীত বৌদ্ধ সুৰক্ষা অনুষ্ঠানত অংশগ্ৰহণ কৰিছিল।
তদন্তকাৰীয়ে জনোৱা মতে, ছাৰাৰাটৰ সৈতে খাদ্য গ্ৰহণ কৰাৰ পিছত ছিৰিপৰ্ণৰ মৃত্যু হয়।
আৰক্ষীয়ে জনোৱা মতে, ছিৰিপৰ্ণৰ মৃতদেহত চাইনাইডৰ অৱস্থিতি ধৰা পৰিছে। মৃতদেহ উদ্ধাৰ কৰাৰ সময়ত ঘটনাস্থলীত ছিৰিপৰ্ণৰ ফোন, ধন আৰু বেগ নাছিল।
উল্লেখ্য যে ছাৰাৰাটৰ প্ৰাক্তন স্বামী এজন প্ৰাক্তন আৰক্ষী বিষয়া। তেওঁৰ প্ৰাক্তন স্বামীকে ধৰি তেওঁৰ অধিবক্তাক ক্ৰমে এবছৰ চাৰি মাহ আৰু দুবছৰৰ কাৰাদণ্ড বিহা হৈছিল।
আৰক্ষীয়ে জনোৱা মতে, প্ৰমাণ লুকুৱাই ৰখা আৰু বিচাৰৰ পৰা হাত সাৰিবলৈ সহায় কৰাৰ বাবেও তেওঁৰ প্ৰাক্তন স্বামী আৰু অধিবক্তাক দোষী সাব্যস্ত কৰাৰ লগতে ছাৰাৰাটক ছিৰিপৰ্ণৰ পৰিয়ালক ২০ লাখ বাট ক্ষতিপূৰণ দিবলৈ নিৰ্দেশ দিয়া হয়।
উল্লেখ্য যে চাইনাইড নামৰ পদাৰ্থই শৰীৰৰ কোষবোৰক অক্সিজেনৰ লাভ কৰাত বাধা প্ৰদআন কৰে। এই পদাৰ্থ বেছিকৈ সেৱন কৰিলে কেইছেকেণ্ডমানৰ ভিতৰতে ব্যক্তিৰ মৃত্যু হ’ব পাৰে।
