স্মৃতিশক্তি বৃদ্ধি কৰাৰ আৰু মগজুৰ স্বাস্থ্যক উন্নত কৰাৰ এটা সহজ আৰু সুস্বাদু উপায় বিচাৰিছে নেকি? আপোনাৰ ব্ৰেকফাষ্টত কণী যোগ কৰাটোৱেই হ’ব পাৰে ইয়াৰ নিখুঁত সমাধান।
শেহতীয়াকৈ কেলিফৰ্ণিয়াৰ ছান ডিয়েগো বিশ্ববিদ্যালয়ৰ গৱেষকসকলে কৰা এক অধ্যয়নত দেখা গৈছে যে নিয়মিতভাৱে কণী খোৱাটো বুদ্ধিদীপ্ততা কাৰ্য্যকৰিতাৰ বাবে বিশেষকৈ মহিলাৰ বাবে কিদৰে উপকাৰী।
কণীত সামগ্ৰিক স্বাস্থ্যৰ বাবে অপৰিহাৰ্য বহুতো পুষ্টিকৰ উপাদান থাকে। মগজুৰ কাৰ্য্যক্ষমতা সমৰ্থন কৰাত ই গুৰুত্বপূৰ্ণ ভূমিকা পালন কৰে। কণীয়ে কেনেকৈ স্মৃতিশক্তি বৃদ্ধি কৰাত সহায় কৰে আৰু ব্ৰেকফাষ্টত ইয়াক যোগ কৰাৰ উত্তম উপায়সমূহ জানি লওক।
কণীত প্ৰচুৰ পৰিমাণে কলিন থাকে, যিটো মগজুৰ স্বাস্থ্যৰ বাবে এক গুৰুত্বপূৰ্ণ পুষ্টিকৰ উপাদান। কলিনে এচিটাইলক’লিন নামৰ নিউৰ’ট্ৰান্সমিটাৰ উৎপাদনত সহায় কৰে, যিটো স্মৃতিশক্তি আৰু শিক্ষণৰ লগত জড়িত। কণীত ভিটামিন বি ৬, বি ১২, ফলিক এচিড আদিও প্ৰচুৰ পৰিমাণে থাকে, যিয়ে মগজুৰ সংকোচন ৰোধ কৰাত সহায় কৰে আৰু জ্ঞানশক্তিৰ অৱনতি ঘটা বিলম্বিত কৰে।
নিউট্ৰিয়েণ্টছ-ত প্ৰকাশিত গৱেষণাৰ মতে, কণী বেছি খোৱা মহিলাসকলৰ জ্ঞানশক্তিৰ অৱনতি লেহেমীয়া হৈছিল, কম কণী খোৱা মহিলাসকলৰ তুলনাত বা কণী নোখোৱা মহিলাসকলৰ তুলনাত মৌখিক সাৱলীলতা বজাই ৰাখিছিল।
গৱেষণাই কি কয়?
৫৫ বছৰ আৰু তাতকৈ অধিক বয়সৰ ৮৯০ জনতকৈ অধিক প্ৰাপ্তবয়স্কৰ খাদ্যাভ্যাস পৰীক্ষা কৰা এই অধ্যয়নত দেখা গৈছে যে নিয়মিতভাৱে কণী খোৱাসকলৰ শব্দ অৰ্থগত স্মৃতিশক্তি ভাল। জীৱনশৈলী আৰু স্বাস্থ্যজনিত কাৰকৰ সৈতে সামঞ্জস্য স্থাপন কৰাৰ পিছতো এই ফলাফল দেখা গৈছিল।
পুৰুষৰ ক্ষেত্ৰত কোনো বিশেষ প্ৰভাৱ দেখা নগ’ল যদিও অধ্যয়নটোৱে নিশ্চিত কৰিছে যে কণী খোৱাৰ কোনো লিংগৰ বুদ্ধদীপ্তমূলক কাৰ্য্যকলাপত কোনো নেতিবাচক প্ৰভাৱ নপৰে।
ব্ৰেকফাষ্টত কণী যোগ কৰাৰ সহজ উপায়
আপুনি আপোনাৰ ব্ৰেকফাষ্টত কণী বিভিন্ন ধৰণে গ্ৰহণ কৰিব পাৰে – স্ক্ৰেম্বল্ড কণী, সিজোৱা কণী, বা পাচলি অমলেট।
প্ৰতিদিনে কণী খোৱাটো নিৰাপদ নে?
যদিও কণীত খাদ্যতালিকাগত চৰ্বি থাকে, তথাপিও অধ্যয়নত দেখা গৈছে যে ই বেছিভাগ মানুহৰে তেজৰ কলেষ্টেৰলৰ মাত্ৰা বিশেষভাৱে বৃদ্ধি নকৰে। হাৰ্ভাৰ্ডৰ তথ্য অনুসৰি দিনটোত এটা কণী বেছিভাগ মানুহৰ বাবে নিৰাপদ।
যিসকলৰ ইতিমধ্যে কলেষ্টেৰলৰ সমস্যা নাই তেওঁলোকৰ বাবে ইয়াৰ সুফল বিপদতকৈ বেছি। উচ্চমানৰ প্ৰটিনেৰে সমৃদ্ধ কণীয়ে বেছি সময়লৈকে পেট ভৰপূৰ কৰি ৰাখে, অস্বাস্থ্যকৰ খাদ্য গ্ৰহণ হ্ৰাস কৰে, আৰু ওজন নিয়ন্ত্ৰণত সহায় কৰে, যাৰ ফলত সামগ্ৰিকভাৱে স্বাস্থ্যৰ উপকাৰ হয়।
