দিল্লীৰ আৰ্মি হাস্পতালত আজি ২৪ গৰাকী লোকৰ শৰীৰত ধৰা পৰিছে কোভিড১৯ৰ উপস্থিতি
ক্ৰমশঃ দিনক দিনে দেশত বাঢ়ি গৈ আছে কোভিড১৯ পজিটিভ ৰোগীৰ সংখ্যা।
আজি দিল্লীৰ সামৰিক চিকিৎসালয়ত ২৪ গৰাকী লোকৰ শৰীৰত কোভিড১৯ৰ উপস্থিতি ধৰা পৰিছে।
ইয়াৰ ভিতৰত ভাৰতীয় সেনাৰ লোকো আছে বুলি জানিব পৰা গৈছে। সেনা বাহিনীৰ অৱসৰপ্ৰাপ্ত এজন লোকৰ লগতে তেওঁৰ পৰিয়ালৰ লোকৰ শৰীৰতো কোভিড১৯ পোৱা গৈছে।
এইসকল কোভিড১৯ আক্ৰান্তক দিল্লীৰ বেছ হাস্পতালৰ পৰা আৰ্মি হাস্পতাল(ৰিচাৰ্ছ এণ্ড ৰেফাৰেল)লৈ অনা হৈছিল।
উল্লেখ্য আজি মঙলবাৰ দিনটোত এতিয়ালৈকে দেশত ১৯৫ গৰাকী কোভিড১৯ আক্ৰান্তৰ মৃত্যু ঘটাৰ লগতে ১,৫৬৮ গৰাকী নতুনকৈ আক্ৰান্তক চিনাক্ত কৰা হৈছে।
ইয়াৰ ফলত দেশত কোভিড১৯ত আক্ৰান্তৰ সংখ্যা বাতৰি প্ৰস্তুত কৰাৰ সময়লৈকে ৪৬,৪৩৩ গৰাকীলৈ বৃদ্ধি পালে।
এই মুহূৰ্তত কোভিড১৯ৰ পৰা নিৰাময় লাভ কৰা লোকৰ সংখ্যা হৈছে ১২,৭২৬ গৰাকী।