নগাঁও জিলাত উপস্থিত হৈ দিল্লী আৰক্ষীয়ে মঙলবাৰে নিশা নগাঁও চহৰৰ নিকটৱৰ্তী বেঙেনআটিত ড্ৰাগছ ব্যৱসায়ীৰ বিৰুদ্ধেঅভিযান চলায়। নগাঁও আৰক্ষীৰ সহযোগত চলোৱা অভিযানত ২৩.৫ কিলোগ্ৰাম হিৰোইন জব্দ কৰাৰ লগতে এগৰাকী মহিলাক গ্ৰেপ্তাৰ কৰে।
আৰক্ষীয়ে জনোৱা মতে, ড্ৰাগছ সৰবৰাহৰ অপৰাধত দিল্লী আৰক্ষীয়ে গ্ৰেপ্তাৰ কৰা বিহাৰৰ ধনজী গুপ্তাৰ স্বীকাৰোক্তিৰ ভিত্তিত অভিযান চলায় দিল্লী আৰু নগাঁও আৰক্ষীয়ে। বিহাৰৰ এইগৰাকী ধনজী গুপ্তাই হেৰোইনখিনি ডিমাপুৰলৈ প্ৰেৰণৰ বাবে নগাঁৱত মজুত কৰি ৰাখিছিল।
নগাঁৱৰ বেঙেনাআটিৰ এগৰাকী মহিলাৰ ঘৰত এই হিৰোইনখিনি মজুত কৰি ৰাখিছিল। দিল্লী আৰক্ষীৰ অভিযানত ২৩.৫ কিঃগ্ৰাঃ হেৰোইনসহ গ্ৰেপ্তাৰ কৰা হয় চমৰ বানু নামৰ মহিলাগৰাকীক।
দিল্লী আৰক্ষীয়ে জব্দ কৰা হোৰোইনখিনিৰ মূল্য কেইবা কোটি টকা হ’ব বুলি অনুমান কৰা হৈছে। আনহাতে, দিল্লী আৰক্ষীয়ে নগাঁও আদালতত চমৰ বানুক হাজিৰ কৰাই দিল্লীলৈ লৈ যোৱাৰ উপৰি জব্দ কৰা হিৰোইনখিনিও নিজৰ জিন্মাত লয়।
