অষ্ট্ৰেলিয়াৰ কোট অৱ আৰ্মছ আৰু ৰাষ্ট্ৰীয় বিমান সংস্থাৰ পিছত কেংগাৰুৰ প্ৰতীক থাকিলেও দেশখনৰ প্ৰশাসনে চিকাৰীসকলক প্ৰতি বছৰে লাখ লাখ কেংগেৰু হত্যা কৰাৰ অনুমতি দিয়ে। বাতৰি অনুসৰি, এই বছৰ দেশৰ বিভিন্ন প্ৰান্তত প্ৰায় ৫ মিলিয়ন অৰ্থাৎ ৫০ লাখ কেংগাৰু হত্যা কৰা হ’ব।
দেশখনৰ চৰকাৰ আৰু বন্যপ্ৰাণী বিশেষজ্ঞসকলে কয় যে কিছুমান প্ৰজাতিৰ কেংগাৰু ইমান বৃদ্ধি পাইছে যে খৰাঙৰ সময়ত কৃষিভূমি, অন্যান্য স্থানীয় প্ৰজাতি আৰু জীৱ-জন্তুক অনাহাৰৰ পৰা সুৰক্ষিত কৰিবলৈ তেওঁলোকক নিয়মীয়াকৈ হত্যা কৰা প্ৰয়োজন।
অষ্ট্ৰেলিয়াৰ ৰাষ্ট্ৰীয় প্ৰতীকত থকা কেংগাৰুটোৰ হত্যাৰ সন্দৰ্ভত সমাজকৰ্মীসকলে ক্ষোভ প্ৰকাশ কৰি কয় যে এই কাৰ্য নিষ্ঠুৰ আৰু বাণিজ্যিক স্বাৰ্থৰ দ্বাৰা পৰিচালিত।
লগতে পঢ়ক: Fact Check: ফোনত বিনামূলীয়াকৈ ২৩৯ টকাৰ ৰিচাৰ্জ দিছে মোডী চৰকাৰে! দৰাচলতে ভুৱা মেচেজ…
অষ্ট্ৰেলিয়াৰ কেংগাৰু উদ্যোগ সংস্থাৰ মতে, চৰকাৰৰ দ্বাৰা পৰিচালিত কেংগাৰু হত্যা কাৰ্যসূচীৰ অধীনত, অনুজ্ঞাপ্ৰাপ্ত চিকাৰীসকলে প্ৰতি কিলোগ্ৰাম কেংগাৰুৰ বাবে মাচুল প্ৰাপ্ত কৰে। ইয়াৰ উপৰিও, কেংগাৰুৰ মাংস, চামৰা আৰু চামৰাৰ পৰা সংসাধিত সামগ্ৰী বিশ্বৰ ৭০খন দেশলৈ ৰপ্তানি কৰা হয়। এই কেংগাৰু হত্যাক কেন্দ্ৰ কৰি প্ৰায় ১৩৩ নিযুত আমেৰিকান ডলাৰৰ উদ্যোগ গঢ়ি উঠিছে।
দেশখনৰ বিশাল এলেকাৰ বাবে কেংগাৰু গণনা কৰাটো অতি কঠিন, যদিও প্ৰতি বছৰে চৰকাৰী বিষয়াসকলে হেলিকপ্টাৰ আৰু ফিক্সড-উইং বিমান ব্যৱহাৰ কৰি জৰীপ চলায়। আৰু এই জৰীপৰ পিছত দেশৰ কোনটো এলেকাত কিমান প্ৰজাতিৰ কেংগাৰু হত্যা কৰা হ’ব সেয়া নিৰ্ধাৰণ কৰা হয়।
শেহতীয়া চৰকাৰী পৰিসংখ্যা অনুসৰি, নিউ চাউথ ৱেলছ, কুইন্সলেণ্ড, ভিক্টোৰিয়া, দক্ষিণ অষ্ট্ৰেলিয়া আৰু পশ্চিম অষ্ট্ৰেলিয়াত ৫০ লাখ কেংগাৰু হত্যা কৰিবলৈ অনুমোদন জনোৱা হৈছে।
লগতে পঢ়ক: WPL 2023 Final: মহিলা প্ৰিমিয়াৰ লীগৰ ৰুদ্ধশ্বাস ফাইনেলত দিল্লীক পৰাস্ত কৰি চেম্পিয়ন মুম্বাই
ইয়াৰ আগতে ২০২০ চনত অষ্ট্ৰেলিয়াই প্ৰায় ১০,০০০ বনৰীয়া উট হত্যা কৰিছিল। কিয়নো সেই সময়ত দেশৰ কিছু অংশত ইমান খৰাং হৈছিল যে পানীৰ প্ৰয়োজনত বনৰীয়া উটবোৰ জনাঞ্চললৈ আহিবলৈ আৰম্ভ কৰিছিল। সেয়ে, দেশখনে এইদৰে উট হত্যাৰ সিদ্ধান্ত গ্ৰহণ কৰিছিল।
