এইবাৰ বলিউদৰ মোহময়ী অভিনেত্ৰী দিয়া মিৰ্জাৰ বিয়া! : কেতিয়াকৈ বিয়া জানিবৈ পঢ়ক…
বলিউদৰ অভিনেত্ৰী তথা সুন্দৰী দীয়া মিৰ্জাৰ বিয়া। অহা ১৫ ফেব্ৰুাৱিৰত মুম্বাইস্থিত ব্যৱসায়ী বৈভৱ ৰেখীৰ সৈতে বিবাহপাশত আৱদ্ধ হ’ব দিয়া মিৰ্জাই।
স্পটবয় আৰু ইণ্ডিয়া টুদে’ৰ বাতৰিৰ মতে দিয়া মিৰ্জাই অনুষ্টুপীয়াকৈ আয়োজন কৰিছে তেওঁলোকৰ বিবাহ অনুষ্ঠান।
সামাজিকভাৱে অনুষ্টুপীয়াকৈ আয়োজন কৰা এই বিবাহ অনুষ্ঠানত পৰিয়ালৰ লোকৰ লগতে ঘনিষ্ঠ বন্ধু-বান্ধৱহে উপস্থিত থাকিব বুলি জানিব পৰা গৈছে।
ইফালে বিয়া সম্পৰ্কীয় বাতৰিটো দিয়া মিৰ্জাই নস্যাৎ কৰা নাই বুলিও প্ৰকাশ পাইছে সংবাদ মাধ্যমত।
উল্লেখ্য যে ইয়াৰ পূৰ্বে দিয়া মিৰ্জাই ২০১৪ বৰ্ষৰ অক্টোবৰত বহু বছৰীয়া প্ৰেমিক চাহিল সিংঘাৰ সৈতে বিবাহপাশত আৱদ্ধ হৈছিল।
২০১৯ বৰ্ষত দুয়োৰে মাজত বিচ্ছেদ হোৱা বুলি দুয়োৱে আনুষ্ঠানিকভাৱে ঘোষণা কৰিছিল।
“১১ বছৰ একেলগে কটোৱাৰ পিছত বুজাবুজিৰে আমি পৃথক হোৱাৰ সিদ্ধান্ত গ্ৰহণ কৰিছো। আমাৰ মাজত বন্ধুত্ব অব্যাহত থাকিব লগতে থাকিব দুয়োৰে দুয়োৰ প্ৰতি থকা সন্মান আৰু স্নেহ। আমি দুয়োৱে পৃথক পথত ভৰি দিছো, আজীৱন আমি দুয়ো দুয়োৰে ওচৰত চিৰকৃতজ্ঞ হৈ থাকিম।” দুয়োৱে পৃথক হোৱাৰ সময়ত এইদৰে প্ৰকাশ কৰিছিল সংবাদ মাধ্যমত।
‘ৰেহনা হাই টেৰে দিল ম্যেঁ’, ‘টেহজীব’, ‘কই মেৰে দিল ম্যেঁ হায়’, ‘লগে ৰহো মুন্না ভাই’ আৰু সঞ্জয় দত্তৰ বায়’পিক ‘চঞ্জু’ আদি কেবাখনো বলিউদৰ ছবি অভিনয় কৰিছে দিয়া মিৰ্জাই।
স্মৰ্তব্য যে মিছ এছিয়া পেচিফিক ইন্টাৰনেশ্যনেল ২০০০ খিতাপৰ বিজয়ী আছিল দিয়া মিৰ্জা।