প্ৰশ্নঃ মই ছোৱালী এজনীক ভালপাওঁ তায়ো বোধহয় মোক ভাল পায়। কিন্তু মই তাইক এই বিষয়ে ক’ব পৰা নাই। কিদৰে কওঁ? (প্ৰশ্নকৰ্তা: বিশাল হাজৰিকা, বয়স- ২৩ বছৰ, মৰিগাঁও)
উত্তৰঃ এতিয়ালৈকে কোনে এই প্ৰশ্নটোৰ সন্মুখীন নোহোৱাকৈ আছে? প্ৰথম কথাটো হ’ল তুমি যে তাইক ভালপোৱা আৰু তাই যে তোমাক ভালপায় -সেই বিষয়ে তুমি নিশ্চিতনে? আৰু এটা কথা, তাইৰ লগত যদি তোমাৰ ইতিমধ্যে ভাল বন্ধুত্বপূৰ্ণ সম্পৰ্ক এটা গঢ়ি উঠিছে তেনেহ’লে সময়, সুবিধা বুজি তুমি দেখোন খোলাখুলিকৈ তাইৰ লগত কথাটো পাতিবই পাৰা! ভয় নকৰিবা তাই তাৰবাবে তোমাক বেয়া নাপায়।
প্ৰশ্নঃ মোৰ প্ৰেয়সীয়ে মোক খুব সন্দেহ কৰে। মোৰ বান্ধৱীৰ লগ কথা পাতিলেও আপত্তি কৰে। যাৰ বাবে ইতিমধ্যে মই মোৰ কেইবাগৰাকীও ভাল বান্ধৱীৰ পৰা আঁতৰি আহিবলগীয়া হৈছে। উপায় কি? (প্ৰশ্নকৰ্তা: গগণ ডেকা , বয়স- ২৫ বছৰ, শিৱসাগৰ)
উত্তৰঃ তাৰমানে তেওঁৰ লগত এতিয়াও তোমাৰ সম্পৰ্কটো গাঢ়হৈ উঠা নাই।তেওঁ এতিয়াও তোমাৰ প্ৰেয়সীহৈ উঠা নাই।
(উত্তৰদাতা: অৰিন্দম বৰুৱা)
